नेभिगेशन
समाज

एनपिएलको एलिमिनेटरमा आज काठमाडौँ गोर्खाज र चितवन राइनोज भिड्दै

काठमाडौँ । नेपाल प्रिमियर लिग (एनपिएल) सिजन ३ अन्तर्गत प्लेअफको महत्त्वपूर्ण एलिमिनेटर खेलमा आज बुधबार काठमाडौँ गोर्खाज र चितवन राइनोज आमनेसामने हुँदैछन्।

Watch On

Facebook Tiktok Youtube Instagram Twitter

कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुने यो 'गर या मर' को भिडन्त नेपाली समयअनुसार साँझ ५ बजे सुरु हुनेछ।

Marvel
Extreme Energy

लिग चरणका ७ खेलमध्ये ४ जित र ३ हारसहित ८ अंक जोडेको काठमाडौँ गोर्खाज तेस्रो स्थानमा रहँदै एलिमिनेटरमा प्रवेश गरेको हो। अर्कोतर्फ, समान ७ खेलबाट ३ जित, ३ हार र १ अनिर्णित खेलसहित ७ अंक बटुलेको चितवन राइनोजले चौथो स्थानमा रहेर प्लेअफमा स्थान सुरक्षित गरेको छ।   

आजको खेलमा विजयी हुने टोलीले फाइनल प्रवेशका लागि बिहीबार हुने 'क्वालिफायर २' मा सुदूरपश्चिम रोयल्सको सामना गर्नेछ। मंगलबार भएको पहिलो क्वालिफायरमा सुदूरपश्चिमलाई ६ विकेटले पराजित गर्दै लुम्बिनी लायन्स भने सिधै फाइनलमा पुगिसकेको छ। आज पराजित हुने टोलीको भने प्रतियोगिताको यात्रा यहीँ समाप्त हुनेछ।   

लिग चरणमा यी दुई टोलीबिच भएको भेटमा काठमाडौँले चितवनलाई १० रनले पराजित गरेको थियो। समग्र एनपीएल इतिहासमा भएका ३ भेटमध्ये काठमाडौँले २ र चितवनले १ खेल जितेका छन्। दुवै टोली लिग चरणको आ-आफ्नो अन्तिम खेलमा पराजित भएर एलिमिनेटर खेल्न लागेका हुन्। काठमाडौँ पोखरा एभेन्जर्ससँग ५५ रनले र चितवन कर्णाली याक्ससँग २४ रनले पराजित भएको थियो।   

खेल सुरु हुनुअघि टससँगै दुवै टोलीको अन्तिम प्लेइङ–११ सार्वजनिक गरिनेछ। करण केसीको कप्तानीमा रहेको काठमाडौँमा राशिद खान, भीम सार्की, विल बोसिस्टो र शाहब आलमजस्ता खेलाडी छन् भने चितवनको टोलीमा कुशल मल्ल, रवि बोपारा, सिकन्दर राजा, कमलसिंह ऐरी र रिजन ढकालजस्ता अनुभवी खेलाडीहरू आबद्ध छन्।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
फोहर बिक्रीबाट व्यास नगरपालिकालाई चार महिनामै नौ लाख आम्दानी

फोहर बिक्रीबाट व्यास नगरपालिकालाई चार महिनामै नौ लाख आम्दानी

तनहुँको व्यास नगरपालिकाले चालु आर्थिक वर्षको साउनदेखि कात्तिक १९ गतेसम्म फोहर बिक्री गरेर ९ लाख ४० हजार ४९४ रुपैयाँ आम्दानी गरेको छ।
एमालेको राष्ट्रिय भेला आजदेखि, ३ हजार ४१४ जना सहभागी हुँदै

एमालेको राष्ट्रिय भेला आजदेखि, ३ हजार ४१४ जना सहभागी हुँदै

एमालेले पार्टीको इतिहासमा पालिका तहका कमिटीदेखि केन्द्रीय नेतृत्व र संघीय संसददेखि स्थानीय तहसम्मका जनप्रतिनिधि एकै ठाउँमा सहभागी हुने गरी राष्ट्रिय भेला आयोजना गर्न लागेको यो पहिलो पटक भएको...
देशका विभिन्न भागबाट २१ जना किन परे पक्राउ ?

देशका विभिन्न भागबाट २१ जना किन परे पक्राउ ?

प्रहरीले देशका विभिन्न १० जिल्लाबाट लागुऔषधसहित २१ जनालाई पक्राउ गरेको छ।
१८ वर्ष विदेश बसेर फर्किएका मीनबहादुर गाउँमै रमाउँदै, घ्यू बेचेर वार्षिक तीन लाख बचत

१८ वर्ष विदेश बसेर फर्किएका मीनबहादुर गाउँमै रमाउँदै, घ्यू बेचेर वार्षिक तीन लाख बचत

१८ वर्ष कतार र कुवेतमा बिताए। परिवारबाट टाढा रहेर पसिना बगाए। तर, विदेशको कमाइभन्दा आफ्नै गाउँमा परिवारसँगै बसेर केही गर्ने रहर बलियो भएपछि कास्कीका मीनबहादुर क्षेत्री स्वदेश फर्किए।