नेभिगेशन
समाज

सुबिसु, क्लासिक टेक, वेभसर्फरसहित २९ इन्टरनेट सेवा प्रदायकलाई बक्यौता तिर्न १५ दिनको अल्टिमेटम, नतिरे लाइसेन्स खारेज हुने

काठमाडौँ । नेपाल दूरसञ्चार प्राधिकरणले लामो समयदेखि बक्यौता रकम नबुझाउने २९ वटा दूरसञ्चार तथा इन्टरनेट सेवा प्रदायक कम्पनीलाई १५ दिनभित्र बक्यौता चुक्ता गर्न अल्टिमेटम दिएको छ।

Watch On

Facebook Tiktok Youtube Instagram Twitter

प्राधिकरणको अनुमतिपत्र व्यवस्थापन शाखाले मङ्सिर ३ गते दुई छुट्टाछुट्टै सार्वजनिक सूचना जारी गर्दै तोकिएको समयमा बक्यौता नबुझाए अनुमतिपत्र (लाइसेन्स) खारेजीको प्रक्रिया अगाडि बढाउने चेतावनी दिएको हो।

Marvel
Extreme Energy

प्राधिकरणका अनुसार ती सेवा प्रदायकहरूले विगतका आर्थिक वर्षहरूदेखि नेपाल सरकार र प्राधिकरणलाई नियमानुसार बुझाउनुपर्ने रोयल्टी, ग्रामीण दूरसञ्चार विकास कोष (आरटीडीएफ) रकम तथा सोमा लाग्ने थप दस्तुर र जरिवाना बुझाएका छैनन्। बक्यौता नबुझाएकै कारण तीमध्ये २० वटा कम्पनीको अनुमतिपत्रसमेत नवीकरण नभएको प्राधिकरणले जनाएको छ।   

सूचना प्रकाशित भएको मितिले १५ दिनभित्र सम्पूर्ण बक्यौता रकम दाखिला गरी प्राधिकरणमा जानकारी गराउन निर्देशन दिइएको छ। उक्त समयावधिभित्र बक्यौता चुक्ता नगरेमा दूरसञ्चार ऐन, २०५३ को दफा २८ बमोजिम अनुमतिपत्र खारेजीको प्रक्रिया अगाडि बढाइने र बाँकी बक्यौता प्रचलित कानुनबमोजिम असुल उपर गरिने प्राधिकरणले स्पष्ट पारेको छ।   

साथै, दूरसञ्चार सेवाका प्रयोगकर्ताहरूलाई सेवा प्रयोग वा खरिद गर्दा प्राधिकरणबाट नियमानुसार अनुमतिपत्र नवीकरण भएका सेवा प्रदायकहरूबाट मात्र सेवा लिनसमेत प्राधिकरणले सूचित गरेको छ।   

बक्यौता नबुझाएका कारण अनुमतिपत्र नवीकरण नभएका २० सेवा प्रदायकहरू:

१. अलिशा कम्युनिकेसन लिङ्क प्रा.लि., बछौली गाविस–२, चितवन
२. एरोनेट प्रा.लि., त्रिपुरेश्वर–११, काठमाडौँ
३. ब्रोडलिङ्क नेटवर्क एण्ड कम्युनिकेसन लिमिटेड, सानेपा, ललितपुर
४. क्लासिक टेक प्रा.लि., नयाँ बानेश्वर, काठमाडौँ
५. कम्युनिकेसन एण्ड कम्युनिकेट नेपाल प्रा.लि., जावलाखेल, ललितपुर
६. एभरेस्ट वायरलेस नेटवर्क प्रा.लि., नारायण नगरपालिका–१, दैलेख
७. जी.आर.एस. लिङ्क इन्टरनेट सर्भिस प्रा.लि., व्यास नगरपालिका–०२, तनहुँ
८. आई. जोन प्रा.लि., उर्लाबारी–२, मोरङ
९. कालिका नेट प्रा.लि., चापाकोट, स्याङ्जा
१०. खप्तड नेट प्रा.लि., मङ्गलसेन, अछाम
११. कनेक्ट नेपाल नेटवर्क्स प्रा.लि., थसिखेल–५, ललितपुर
१२. मर्कन्टाइल कम्युनिकेसन प्रा.लि., दरबारमार्ग, काठमाडौँ
१३. नेक्स्ट गिकर्स प्रा.लि., काठमाडौँ महानगरपालिका–२९
१४. नुम्बुर नेटवर्क प्रा.लि., काठमाडौँ महानगरपालिका–७
१५. पोखरा इन्टरनेट प्रा.लि., गैह्रापाटन, पोखरा, कास्की
१६. साङ्ग्रिला इन्फर्मेटिक्स प्रा.लि., काठमाडौँ महानगरपालिका–३३, अनामनगर
१७. सुपर सितापाइला केबल नेट प्रा.लि., नागार्जुन नगरपालिका–०४, काठमाडौँ
१८. टेकमाइन्ड्स नेटवर्क लिमिटेड, भरतपुर–३, चितवन
१९. अल्ट्रानेट कम्युनिकेसन प्रा.लि., बनेपा नगरपालिका–१०, काभ्रेपलाञ्चोक
२०. वेभसर्फर नेपाल कम्युनिकेसन्स सिस्टम प्रा.लि., धुम्बाराही, काठमाडौँ   

बक्यौता रकम दाखिला गर्न बाँकी रहेका अन्य ९ सेवा प्रदायकहरू:
१. बेनी कम्युनिकेसन्स प्रा.लि., म्याग्दी
२. ब्रोडब्यान्ड नेपाल प्रा.लि., बुटवल उपमहानगरपालिका–०९, रुपन्देही
३. फर्स्टलिङ्क कम्युनिकेसन्स प्रा.लि., दमक नगरपालिका–१०, झापा
४. क्षिरेश्वर नेटवर्क प्रा.लि., क्षिरेश्वरनाथ नगरपालिका–५, धनुषा
५. लुम्बिनी म्याक्स डिजिटल केबल नेट प्रा.लि., तिलोत्तमा नगरपालिका–७, रुपन्देही
६. मेड इन्फो टेक प्रा.लि., भरतपुर–१०, चितवन
७. प्राइम नेटवर्क प्रा.लि., भरतपुर महानगरपालिका–१६, चितवन
८. सुबिसु लिमिटेड, काठमाडौँ महानगरपालिका–४, बालुवाटार
९. युनिफाइड कम्युनिकेसन प्रा.लि., दमक नगरपालिका–०९, झापा   

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
आजदेखि काठमाडौँका विभिन्न क्षेत्रमा दैनिक साढे ५ घण्टा बत्ती जाने

आजदेखि काठमाडौँका विभिन्न क्षेत्रमा दैनिक साढे ५ घण्टा बत्ती जाने

काठमाडौँका विभिन्न क्षेत्रमा आजदेखि दैनिक साढे ५ घण्टा विद्युत आपूर्ति बन्द हुने भएको छ।
निर्वाचन आयोगले गर्‍यो जसपाका १८ स्थानीय जनप्रतिनिधिको पद रिक्त (नामावलीसहित)

निर्वाचन आयोगले गर्‍यो जसपाका १८ स्थानीय जनप्रतिनिधिको पद रिक्त (नामावलीसहित)

निर्वाचन आयोगले जनता समाजवादी पार्टी (जसपा), नेपालबाट निर्वाचित १८ जना स्थानीय जनप्रतिनिधिको पद रिक्त गरेको छ।
आजदेखि काठमाडौँमा अन्तर्राष्ट्रिय भौगर्भिक सम्मेलन, २७ देशबाट ३५० भन्दा बढी विज्ञको सहभागिता

आजदेखि काठमाडौँमा अन्तर्राष्ट्रिय भौगर्भिक सम्मेलन, २७ देशबाट ३५० भन्दा बढी विज्ञको सहभागिता

नेपाल भौगर्भिक समाजको आयोजनामा १२औँ नेपाल भौगर्भिक सम्मेलन आजदेखि यहाँ सुरु हुँदैछ ।
आर्मीलाई पराजित गर्दै एपिएफ महिला गोल्डकपको फाइनलमा

आर्मीलाई पराजित गर्दै एपिएफ महिला गोल्डकपको फाइनलमा

नेपाल आर्मी फुटबल क्लबलाई २–० गोलले पराजित गर्दै सशस्त्र प्रहरी बल (एपिएफ) क्लब प्रथम धरान अन्तर्राष्ट्रिय आमन्त्रण महिला गोल्डकप फुटबल प्रतियोगिताको फाइनलमा प्रवेश गरेको छ ।

भर्खरै