नेभिगेशन
समाज

ओलीको दाबी– एमालेले खाएको धक्का निर्वाचन परिणामले होइन, सरकारबाट अपदस्थ हुँदादेखि सुरु भयो

काठमाडौं । नेकपा एमाले अध्यक्ष केपी शर्मा ओलीले पार्टीले पछिल्लो समय व्यहोरेको धक्का निर्वाचन परिणामले मात्र नभई निर्वाचनअघि सरकारबाट अपदस्थ गरिएदेखि सुरु भएको बताएका छन्।

Watch On

Facebook Tiktok Youtube Instagram Twitter

पार्टीको राष्ट्रिय भेलाको दोस्रो दिन सम्बोधन गर्दै ओलीले निर्वाचनअघि भएका ध्वंस, आक्रमण र राजनीतिक घटनाक्रमले एमालेलाई प्रतिरक्षात्मक अवस्थामा पुर्‍याएको दाबी गरे।

Marvel
Extreme Energy

‘हामी सरकारबाट अपदस्थ हुँदाको अवस्थाको विश्लेषण नगरी राजनीति हुँदैन। राजनीति बुझ्नका लागि हाम्रो सरकार विस्थापनका लागि बनाइएको वातावरण बुझ्नुपर्दछ। त्यति नबुझी राजनीति बुझिँदैन,’ ओलीले भने।

उनले एमालेको पराजयलाई पार्टीको आन्तरिक कमजोरी वा प्राविधिक विषयमा मात्रै सीमित गरेर व्याख्या गर्न नहुने बताए। सामाजिक सञ्जाल, अल्गोरिदम र एमालेप्रति घृणा फैलाउने गतिविधिका कारण पार्टी जनताबाट टाढा बनाइएको उनको आरोप छ।

‘अल्गोरिदम लगाएर, सामाजिक सञ्जालका माध्यमबाट हामीलाई जनताबाट टाढा पुर्‍याइयो। हामीप्रति घृणा फैलाएर, अनावश्यक ढंगले सुरक्षा निकायको संलग्नता गराएर एमालेलाई निर्वाचनमा पराजित गराइयो,’ ओलीले भने।

ओलीले पछिल्लो राजनीतिक परिस्थितिलाई मौसमी छिचिमिरासँग तुलना गर्दै त्यस्ता प्रवृत्तिसँग डराउन नहुने बताए। बर्खामा निस्कने छिचिमिराको आयु लामो नहुने भन्दै उनले एमालेले यस्ता प्रवृत्तिविरुद्ध संघर्ष गरेर विजय हासिल गर्ने दाबी गरे।

‘यस्ता छिचिमिरा घरको छानामा नपुग्दै कतिपयलाई चराले खाइदिन्छ। कतिपय आफैं भुइँमा झर्छन्,’ उनले भने, ‘यस्ता प्रवृत्तिविरुद्ध लड्ने र विजय हासिल गर्ने कामको नेतृत्व एमालेले गर्छ।’

समाजलाई भ्रमबाट मुक्त गर्ने र निराशाबाट बाहिर निकालेर पुनर्जागरण गराउने जिम्मेवारी पनि एमालेले लिने ओलीको भनाइ थियो। उनले एमालेले आगामी दिनमा यस्ता राजनीतिक प्रवृत्तिविरुद्ध संघर्ष गर्दै समाजमा आशा र उत्साह जगाउने कामको नेतृत्व गर्ने बताए।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
कालीमाटीमा  कति छ आज तरकारी र फलफूलको थोक मूल्य ?

कालीमाटीमा कति छ आज तरकारी र फलफूलको थोक मूल्य ?

कालीमाटी फलफूल तथा तरकारी बजार विकास समितिले आज (३ मंसिर) का लागि तरकारी, फलफूल तथा अन्य कृषि उपजको थोक मूल्य सार्वजनिक गरेको छ।
एक क्वीन्टल बढी गाँजासहित कार बरामद, चालक फरार

एक क्वीन्टल बढी गाँजासहित कार बरामद, चालक फरार

आज राति करिब १ः४० बजे पालुङबाट भैंसेतर्फ आउँदै गरेको बा.अ. ४४३१ नम्बरको कारलाई नियमित चेकजाँचका क्रममा प्रहरीले ९ वटा पोकामा गाँजा फेला पारेको जनाएको छ ।
निरन्तर ओरालो लागिरहेको सुनचाँदीकाे भाउ आज कति पुग्यो ?

निरन्तर ओरालो लागिरहेको सुनचाँदीकाे भाउ आज कति पुग्यो ?

स्थानीय बजारमा आज सुनचाँदीको मूल्य घटेको छ । आज सुन प्रतितोला रु तीन हजार ३०० र चाँदीको मूल्य प्रतितोला ४५ ले घटेको छ ।
मकवानपुरमा सुमो दुर्घटना : तीन जनाको मृतकको पहिचान खुल्यो

मकवानपुरमा सुमो दुर्घटना : तीन जनाको मृतकको पहिचान खुल्यो

मकवानपुरको भीमफेदी गाउँपालिका–१ भैंसेमा सुमो दुर्घटना हुँदा तीन जनाको मृत्यु भएको छ भने चालकसहित सात जना घाइते भएका छन्।