नेभिगेशन
खेलाडीका कुरा

दशौँ राष्ट्रिय खेलकुदमा रजत र कास्य विजेतालाई पनि नगद पुरस्कार

काठमाडौं । दशौँ राष्ट्रिय खेलकुदमा रजत र कास्य पदक विजेताले पनि पहिलोपटक नगद पुरस्कार पाउने भएका छन्। राष्ट्रिय खेलकुद परिषद् (राखेप)ले पदक विजेतालाई प्रोत्साहन गर्न पुरस्कारको व्यवस्था विस्तार गरेको हो।

Watch On

Facebook Tiktok Youtube Instagram Twitter

राखेपले बिहीबार पत्रकार सम्मेलन गरी प्रतियोगिताको तयारी अन्तिम चरणमा पुगेको जानकारी दिँदै नयाँ पुरस्कार नीति सार्वजनिक गरेको हो। यसअघि राष्ट्रिय खेलकुदमा स्वर्ण पदक विजेताले मात्रै नगद पुरस्कार पाउँदै आएका थिए।

Marvel
Extreme Energy

नयाँ व्यवस्थाअनुसार व्यक्तिगत स्पर्धामा स्वर्ण विजेताले २० हजार, रजतले १५ हजार र कास्यले ८ हजार रुपैयाँ पाउनेछन्। टिम इभेन्टमा स्वर्ण विजेतालाई १५ हजार, रजतलाई १० हजार र कास्यलाई ८ हजार रुपैयाँ पुरस्कार दिइनेछ।

दशौँ राष्ट्रिय खेलकुदमा ३८४ स्वर्ण, ३८४ रजत र ५६९ कास्य गरी कुल १ हजार ३३७ पदकका लागि प्रतिस्पर्धा हुनेछ। प्रतियोगिता मंसिर १६ देखि २७ गतेसम्म सञ्चालन हुनेछ। केही खेल भने मंसिर ८ गतेदेखि सुरु हुनेछन्।

राखेप सदस्य सचिव रामचरित्र मेहताका अनुसार प्रतियोगिताको उद्घाटन र समापन दुवै सुर्खेतको वीरेन्द्रनगरस्थित कर्णाली प्रदेश रंगशालामा हुनेछ।

प्रतियोगितामा सात प्रदेश, नेपाल प्रहरी, नेपाली सेना, सशस्त्र प्रहरी बल (एपीएफ) र एनआरएनए गरी ११ टोली सहभागी हुनेछन्। कुल ३२ खेलका ३८४ इभेन्ट्समा प्रतिस्पर्धा हुनेछ।

प्रत्येक टोलीबाट ६६० जना सहभागी हुनेछन्। उनीहरूमध्ये ३१४ महिला र ३४६ पुरुष खेलाडी रहनेछन्। त्यस्तै, प्रत्येक टोलीबाट ८१ प्रशिक्षक र ४१ व्यवस्थापक सहभागी हुनेछन्।

प्रतियोगिताका लागि १ हजार ३० जना निर्णायक परिचालन गरिने राखेपले जनाएको छ। तीमध्ये २५८ अन्तर्राष्ट्रिय र ७७२ राष्ट्रिय निर्णायक हुनेछन्। खेल संघका ९६ प्रतिनिधिको पनि सहभागिता रहनेछ।

दशौँ राष्ट्रिय खेलकुदका प्रतियोगिता सुर्खेतसहित सात जिल्लामा सञ्चालन हुनेछन्। सुर्खेतमा २३, नेपालगन्जमा दुई, बर्दियामा दुई, दैलेखमा एक, कालिकोटमा एक, सल्यानमा दुई र पश्चिम रुकुममा एक खेल आयोजना गरिने राखेपले जनाएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप खेलाडीका कुरा
तीन महिनामा मुद्रास्फीति ६.३७ प्रतिशत, विदेशी मुद्रा सञ्चिति ४१ खर्ब

तीन महिनामा मुद्रास्फीति ६.३७ प्रतिशत, विदेशी मुद्रा सञ्चिति ४१ खर्ब

चालु आर्थिक वर्ष २०८३/८४ को पहिलो तीन महिनामा वार्षिक विन्दुगत उपभोक्ता मूल्यवृद्धि (मुद्रास्फीति) ६.३७ प्रतिशत पुगेको छ। यस अवधिमा विदेशी मुद्रा सञ्चिति ४१ खर्ब १४ अर्ब रुपैयाँ पुगेको...
मलेसिया ठगी प्रकरणमा पूर्वमुख्यसचिव एकनारायण अर्यालविरुद्ध पक्राउ पुर्जी

मलेसिया ठगी प्रकरणमा पूर्वमुख्यसचिव एकनारायण अर्यालविरुद्ध पक्राउ पुर्जी

मलेसियामा वैदेशिक रोजगारीमा जाने नेपाली श्रमिकमाथि भएको ठगी प्रकरणमा पूर्वमुख्यसचिव एकनारायण अर्यालविरुद्ध पक्राउ पुर्जी जारी भएको छ।
सुक्खायामका लागि भारतबाट १५० मेगावाट बिजुली किन्न बोलपत्र आह्वान गरिने

सुक्खायामका लागि भारतबाट १५० मेगावाट बिजुली किन्न बोलपत्र आह्वान गरिने

आगामी सुक्खायाममा विद्युत् आपूर्ति व्यवस्थापन सहज बनाउन नेपाल विद्युत् प्राधिकरणले भारतबाट १५० मेगावाट विद्युत् खरिदका लागि अन्तर्राष्ट्रिय बोलपत्र आह्वान गर्ने तयारी गरेको छ।