नेभिगेशन
समाज

प्रधानमन्त्री बालेनको भारत भ्रमणः सरकारी टोलीमा ३४ जना, निजी क्षेत्रका ५२ उद्योगी व्यवसायी सहभागी हुने


काठमाडौँ । प्रधानमन्त्री बालेन्द्र शाह भोलि (शनिबार) भारतको राजकीय भ्रमणमा जाने भएका छन् । भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाहले नोभेम्बर २२ देखि २३ सम्म भारतको दुईदिने राजकीय भ्रमण गर्न लागेका हुन् ।

Watch On

Facebook Tiktok Youtube Instagram Twitter

परराष्ट्र मन्त्रालयले शुक्रबार प्रधानमन्त्री शाहको भारत भ्रमणबारे जानकारी दिएको हो । प्रधानमन्त्री शाह शनिबार नेपाल वायुसेवा निगमको विमानमार्फत नयाँदिल्ली प्रस्थान गर्ने कार्यक्रम छ ।

Marvel
Extreme Energy

भ्रमण टोलीमा अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल, प्रधानमन्त्रीका प्रमुख सल्लाहकार कुमार व्यञ्जनकारसहित नेपाल सरकारका उच्चपदस्थ अधिकारीहरू सहभागी हुनेछन् । भ्रमणमा ३४ जनाको सरकारी टोली नेपालबाट जाने छ भने भारतस्थित नेपाली दूतावासबाट केही सदस्य थपिने परराष्ट्र सचिव अमृत राइले जानकारी दिए । 

परराष्ट्र सचिव राइका अनुसार निजी क्षेत्रबाट पनि ५२ जनाको टोली आफ्नै खर्चमा भ्रमणमा सहभागी हुँदैछ ।

भ्रमणका क्रममा प्रधानमन्त्री शाहले भारतकी राष्ट्रपति द्रौपदी मुर्मूसँग शिष्टाचार भेट गर्नेछन् । त्यस्तै, भारतीय प्रधानमन्त्री नरेन्द्र मोदीसँग प्रतिनिधिमण्डलस्तरीय द्विपक्षीय वार्ता गर्ने कार्यक्रम रहेको परराष्ट्र मन्त्रालयले जनाएको छ ।

प्रधानमन्त्री मोदीले प्रधानमन्त्री शाहको सम्मानमा औपचारिक दिवाभोजसमेत आयोजना गर्नेछन् । यसैगरी, भारतका विदेशमन्त्री एस। जयशंकरले प्रधानमन्त्री शाहसँग शिष्टाचार भेट गर्ने कार्यक्रम तय भएको छ ।

नेपाल र भारतबीच लामो समयदेखि सभ्यतागत सम्बन्ध, सांस्कृतिक निकटता तथा जनस्तरको गहिरो सम्बन्ध रहँदै आएको छ । दुई देशबीचको सहकार्यलाई थप विस्तार गर्ने र पारस्परिक लाभका क्षेत्रमा साझेदारी अघि बढाउने अवसरका रूपमा भ्रमणलाई लिइएको परराष्ट्र मन्त्रालयले जनाएको छ ।

दुईदिने भारत भ्रमण सम्पन्न गरी प्रधानमन्त्री शाह सोमबार नभई आइतबार (नोभेम्बर २३) नै काठमाडौं फर्कने कार्यक्रम रहेको छ ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
प्रतितोला १२ हजार २०० घट्यो सुनको मूल्य

प्रतितोला १२ हजार २०० घट्यो सुनको मूल्य

नेपाल सुनचाँदी व्यवसायी महासङ्घका अनुसार शुक्रबार छापावाल सुन प्रतितोला रु दुई लाख ४५ हजार ४०० र चाँदीको मूल्य रु तीन हजार ११० कायम छ ।
रास्वपा सभापति रवि लामिछाने, गगन थापा र केपी ओली किन जुट्दैछन् छलफलमा?

रास्वपा सभापति रवि लामिछाने, गगन थापा र केपी ओली किन जुट्दैछन् छलफलमा?

राष्ट्रिय स्वतन्त्र पार्टी (रास्वपा) सभापति रवि लामिछाने, कांग्रेस सभापति गगनकुमार थापा र एमाले अध्यक्ष केपी शर्मा ओली पहिलोपटक सँगै छलफलमा जुट्दैछन्।
#Exclusive: मन्त्रालयबाट गायब पारिएको श्रमिक ठगीको प्रतिवेदनमा के छ?

#Exclusive: मन्त्रालयबाट गायब पारिएको श्रमिक ठगीको प्रतिवेदनमा के छ?

यिनीहरू दण्डसजायको भागिदार हुन्छन् कि हुँदैन? परिवार पाल्न खाडीको हपहपाउँदो गर्मीमा पसिना चुहाउँदै, न्यून बेतनमा कठिन शारीरिक श्रम गर्दै परिवार पाल्न मरिमेटिरहेका र देशको अर्थतन्त्रको मेरूदण्ड बनिरहेको विप्रेषण...
धादिङमा बोलेरो दुर्घटना, एकको मृत्यु, ६ घाइते हेलिकोप्टरबाट काठमाडौं ल्याइयो

धादिङमा बोलेरो दुर्घटना, एकको मृत्यु, ६ घाइते हेलिकोप्टरबाट काठमाडौं ल्याइयो

धादिङको रुबीभ्याली गाउँपालिका–४ कलदाङमा बोलेरो जिप दुर्घटना हुँदा एक महिलाको मृत्यु भएको छ भने नौ जना घाइते भएका छन्। घाइतेमध्ये गम्भीर अवस्थाका ६ जनालाई हेलिकोप्टरमार्फत काठमाडौं ल्याइएको छ।