नेभिगेशन
समाज

नेपालगञ्जमा किन भयो रगत अभाव ?

बाँके । चाडपर्व लक्षित लामो बिदाका कारण नेपालगञ्जमा रगतको अभाव अझै हट्न सकेको छैन। अस्पतालमा बिरामीका लागि रगतको माग उच्च रहे पनि पर्याप्त रक्तदान नहुँदा रक्तसञ्चार केन्द्रमा मौज्दात कम भएको छ।

Watch On

Facebook Tiktok Youtube Instagram Twitter

नेपाल रेडक्रस सोसाइटी, प्रादेशिक रक्तसञ्चार केन्द्र नेपालगञ्जका प्रमुख उपेन्द्र रेग्मीका अनुसार नेपालगञ्जका अस्पतालमा मात्रै दैनिक ७० देखि ८० पिन्ट रगतको माग हुने गरेको छ। तर मागअनुसार रगत मौज्दात छैन।

Marvel
Extreme Energy

नेपालगञ्जबाट लुम्बिनी प्रदेशसहित सुदूरपश्चिम र कर्णाली प्रदेशका बिरामीलाई समेत रगत उपलब्ध गराउनुपर्ने भएकाले नियमित रक्तदान आवश्यक रहेको रेग्मीले बताए। उनले संस्थागत रक्तदान कार्यक्रम बढाउनुपर्नेमा जोड दिए।

‘नेपालगञ्जका अस्पतालका लागि मात्रै दैनिक ७० देखि ८० पिन्ट रगत माग हुन्छ, तर त्योभन्दा निकै कम मात्रामा रगत मौज्दात रहेको छ,’ उनले भने।

रक्तसञ्चार केन्द्रले खजुरा र कोहलपुरका शाखाबाट समेत रगत संकलन गर्दै आएको छ। कतिपय अवस्थामा बिरामीका आफन्तले रगत दिएर आवश्यक रगत सट्टापट्टा गर्ने व्यवस्था मिलाउने गरिएको छ। तर, यस्तो प्रणालीले मात्रै अभाव पूर्ति गर्न पर्याप्त नभएको रेग्मीले बताए।

केही संस्थाले छिटफुट रूपमा रक्तदान कार्यक्रम गरिरहेको भए पनि त्यसबाट संकलित रगत पर्याप्त नभएको उनको भनाइ छ। केही दिनमा अर्को संस्थाले पनि रक्तदान कार्यक्रम आयोजना गर्ने भएकाले त्यसबाट केही राहत हुने अपेक्षा गरिएको छ।

नेपाल रेडक्रस सोसाइटी, प्रादेशिक रक्तसञ्चार केन्द्रका अनुसार कोहलपुरका आठ अस्पतालमा दैनिक २० देखि २५ पिन्ट र खजुराका दुई अस्पतालमा १० देखि १२ पिन्ट रगतको माग हुने गरेको छ। नेपालगञ्जका २७ अस्पतालमा दैनिक करिब ८० पिन्ट रगत आवश्यक पर्ने केन्द्रले जनाएको छ।

नेपाल रेडक्रस सोसाइटी बाँकेका सभापति गोवर्धन सम्झनाले विभिन्न माध्यमबाट रक्तदान भइरहेको र रगत लिने–दिने व्यवस्थाबाट पनि अभाव पूर्ति गर्ने प्रयास भइरहेको बताए। उनका अनुसार रगत अभावका कारण नेपालगञ्जमा ठूलो समस्या उत्पन्न हुन नदिन स्वयंसेवी रक्तदातामार्फत आवश्यक रगत व्यवस्थापन गरिँदै आएको छ।

नेपालगञ्ज–९ निवासी झविन्द्र शर्माले ४५ पटक रक्तदान गरिसकेका छन्। उनले रगत लिएपछि अरूलाई रगत दिनुपर्छ भन्ने भावना सबैमा विकास हुनुपर्ने बताए। जन्मदिन र वैवाहिक उत्सवमा समेत रक्तदान गर्ने प्रचलन बढ्दै गएको उल्लेख गर्दै उनले स्थानीय सरकारलाई कम्तीमा वर्षमा दुई पटक रक्तदान कार्यक्रम आयोजना गर्न आग्रह गरे।

नेपालगञ्ज क्षेत्रमा अस्पतालको संख्या र बिरामीको चापअनुसार रगतको माग उच्च रहेकाले नियमित रक्तदान कार्यक्रम सञ्चालन गर्नुपर्ने देखिएको छ। चाडपर्व र लामो बिदाका समयमा रक्तदान घट्दा रगतको अभाव थप गहिरिने भएकाले रक्तदाता र संस्थाहरूलाई नियमित रक्तदानमा सहभागी हुन आग्रह गरिएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
डिजिटल शासनमा दक्षिण कोरिया पहिलो, नेपालसहित विश्वभर डिजिटल असमानता कायम

डिजिटल शासनमा दक्षिण कोरिया पहिलो, नेपालसहित विश्वभर डिजिटल असमानता कायम

विश्वभर डिजिटल सरकारी सेवाको विकास र विस्तार भइरहे पनि देशहरूबीच डिजिटल पहुँच र विकासको असमानता अझै कायम रहेको संयुक्त राष्ट्रसङ्घको सर्वेक्षणले देखाएको छ।
फ्रान्सेली संसदीय प्रतिनिधिमण्डल र कानूनमन्त्री गौतमबीच भेट,  के भयो कुराकानी ?

फ्रान्सेली संसदीय प्रतिनिधिमण्डल र कानूनमन्त्री गौतमबीच भेट, के भयो कुराकानी ?

कानून, न्याय तथा संसदीय मामिलामन्त्री सोविता गौतमसँग नेपाल भ्रमणमा रहेको फ्रान्स–नेपाल संसदीय मैत्री समूहका पदाधिकारीले शिष्टाचार भेट गरेका छन्।
स्थानीय तह सबल हुँदा विकासले गति लिन्छ : ओली

स्थानीय तह सबल हुँदा विकासले गति लिन्छ : ओली

नेकपा एमालेका अध्यक्ष केपी शर्मा ओलीले स्थानीय तह बलियो हुँदा विकास निर्माणले गति लिने बताएका छन्। उनले स्थानीय तहलाई थप अधिकार सम्पन्न र स्वायत्त बनाउनुपर्नेमा जोड दिएका छन्।
प्रधानमन्त्री बालेन शाहको भारत भ्रमण- यी हुन एजेण्डा

प्रधानमन्त्री बालेन शाहको भारत भ्रमण- यी हुन एजेण्डा

प्रधानमन्त्री  बालेन शाहको आगामी भारत भ्रमण द्विपक्षीय आर्थिक सहकार्य, व्यापार, लगानी, ऊर्जा र पूर्वाधार विकासमा केन्द्रित हुने भएको छ।