वीरगंज । जन्म दर्ता, नागरिकता लगायतका सरकारी कागजात किर्तेमा मुछिएका वीरगंजका मेयर राजेशमान सिंहले प्रधानमन्त्रीलाई भेटेका छन् । शुक्रबार प्रधानमन्त्री तथा मन्त्रिपरिषद् कार्यालय सिंहदबार पुगेर उनले प्रधानमन्त्री पुष्मकमल दाहाललाई भेटेका हुन् ।

प्रधानमन्त्रीलाई भेट्न मेयर सिंह शुक्रबार दिउँसो ३:३० बजे प्रधानमन्त्रीको कार्यालय प्रवेश गरेका थिए । सिंहदरबार स्रोतकाअनुसार सरकारी कागजात किर्ते प्रकरणमा गृह मन्त्रालयले गठन गरेको छानबिन समितिले आफ्नो प्रतिवेदन सार्वजनिक गर्नु पूर्व नै मेयर सिंह शक्ति केन्द्र धाउन थालेका हुन् । 

‘प्रधानमन्त्री कार्यालयमा मेयर सिंहले झण्डै आधा घण्टा बिताउनु भयो,’ प्रधानमन्त्री कार्यालय स्रोतले भन्यो । भेटका क्रममा मेयर सिंहले किर्ते प्रकरण जोगाइदिन आग्रह गरेको र त्यसका लागि पार्टि परित्याग गर्न समेत सकिने सम्मको संकेत गरेको बताइएको छ । 

जिल्ला प्रशासन कार्यालय पर्साबाट २०७५ साउन १३ गते रिता भट्टराई नाम गरेकी महिलाको छोरी रुबिना श्रेष्ठलाई आफै बाबु बनेर मेयरल सिंहले नागरिकता दिलाएका थिए । सोही नागरिकताका आधारमा नागरिकता पाएकी युवति अहिले पासपोर्ट समेत बनाएर विदेश उँडिसकेकी छिन् ।

मेयर सिंहले नागरकता बनाउनु अघिको जन्मदर्ता सहितको सबै कामगजात समेत फर्जि बनाएको भन्दै जिल्ला प्रहरी कार्यालय पर्सामा उजुरी परिसकेको छ । सिधाकुराले पुस २४ गते मेयर सिंहले नक्कली बाबु बनेर नागरिकता दिलाइ दिएको सार्वजनिक गरेको थियो ।

त्यस लगत्तै उनी बिरुद्ध जिल्ला प्रशासन कार्यालय पर्सामा १६ जनाले जाहेरी दिएका थिए । जिल्ला प्रशासन कार्यालय पर्साले गठन गरेको छनबिन समितिले काम गर्न नसकेपछि गृह मन्त्रालयले ३ सदस्सीय छानबिन समिति बनाएर वीरगंज पठाएको थियो ।

सो समितिले छानबिन सकेर काठमाडौं फर्किसकेको छ । स्थानीय तह निर्वाचन देखि मेयर हुँदासम्म एक श्रीमति र छोरा मात्रै रहेको विवरण पेश गरेका मेयर सिंहले गत साता गृह मन्त्रालयको छानबिन समितिसंग भने दुई वटा श्रीमति रहेको बयान दिएका थिए । 

यस अघि दुई वटा परिवारको विवरण लुकाएका मेयर सिंहले गृह मन्त्रालयलाई बयान दिएकै भोलिपल्ट उनको कान्छि भनिएकी महिला रिता भट्टराईले जिल्ला अदालत पर्सामा सम्बन्ध बिच्छेदको मुद्धा  दर्ता गरेकी थिइन । किर्ते माथि किर्ते गरिरहेका मेयरमाथि छानबिन चलिरहँदा प्रधानमन्त्रीसहित, गृहमन्त्री लगायतका उच्च पदस्थ नेताहरु मयरसंग निकट देखिएका छन् ।

मेयरको नागरिकता कीर्तेबारे सबै समाचार पढ्नुहोस् ।

EXCLUSIVE : नागरिकता किर्तेमा वीरगंज महानगरका मेयर राजेशमान सिंह (भिडियोसहित)

नागरिकता किर्तेमा वीरगंजका मेयरविरुद्ध जाहेरी दर्ता

नक्कली बाबु बनेर नागरिकता दिने वीरगंजका मेयर के भन्छन् ? (अडियाेसहित)

मेयरले नक्कली बाबु बनेर नागरिकता दिलाएको विषयमा गृहकाे चासाे, सीडीओ भन्छन्ः तीन दिनसम्म अनुसूची नै भेटिएन

वीरगंजका मेयर राजेशमान सिंहविरुद्ध थप १५ जनाले दिए जाहेरी

वीरगंजका मेयर राजेशमान सिंह माथि छानबिन गर्न समिति गठन

राजेशमानको उध्रिएको मुकुट !

वीरगंज मेयर राजेशमान सिंहको किर्ते लुकाउन प्रशासनबाटै फायल गायब, तत्कालीन सीडीओ उमेश ढकालको भूमिका शंकास्पद  

वीरगंजका मेयर राजेशमान सिहंविरुद्ध गृह मन्त्रालयमा पनि उजुरी

वीरगंजका मेयर सिंह र पूर्व प्रमुख जिल्ला अधिकारी ढकालसहित ४ जनाविरुद्ध अख्तियारमा उजुरी दर्ता

जिल्ला प्रशासनबाटै नागरिकताको अनुसूची गायब, कर्मचारीमाथि अनुसन्धान सुरु

वीरगंजका मेयर सिंहसँग 'पति' नाता कायम भएको दाबी गर्दै रिता भट्टराईले दर्ता गरिन अंश र डिभोर्स मुद्दा

नागरिकता दिलाइएकी युवतीको जन्म दर्तामा पनि किर्ते