सुन तस्करीका नाइके दावालाई नेपाली नागरिकता दिने अधिकृत पक्राउ,अर्का एक भागेर भारत पुगे
काठमाडौँ । सुन तस्करीका नाइके बेल्जियन नागरिक दावा छिरिङ र चिनियाँ नागरिक दावाजिन वाङलाई नागरिकता दिने निजामति सेवाका एक अधिकृत पक्राउ परेका छन् ।
विदेशी नागरिकलाई वंशजका आधारमा नागरिकता दिलाएका काभ्रे जिल्ला प्रशासनका तत्कालीन नायब सुब्बा रामचन्द्र अर्याल (हाल अधिकृत) पक्राउ परेका हुन् ।
हेटौंडा स्थित बागमती प्रदेशसभा सचिवालयमा कार्यरत अर्याललाई पक्राउ गरी काभ्रे प्रहरीको जिम्मा लगाएको मकवानपुर प्रहरी प्रमुख लक्ष्मी भण्डारीले जनाकारी दिए । ।
दावा छिरिङ र चिनियाँ नागरिक दावाजिन वाङलाई नासु अर्याल सहित तत्कालीन अधिकृत झपेन्द्रराज खरेलले वंशजको नागरिकता दिलाएका थिए ।
अर्याल पक्राउ परे पनि अधिकृत झपेन्द्र खरेल भने बिरामी भएकाले उपचारका लागि भन्दै भारत पुगेका छन् । काभ्रे प्रहरी प्रवक्ता राजकुमार श्रेष्ठका अनुसार उनको पनि खोजी कार्य जारी रहेको छ ।
बाबुको विवरण र वडा अध्यक्षको समेत फर्जी सिफारीस बनाएर काभ्रे प्रशासनकै मिलेमतोमा दावा र वाङले वंशजको नागरिकता पाएका थिए ।
सिधाकुराको 'द सेक्रे्रट्स अफ गोल्ड माफिया' सिरिजले नासु अर्याल र अधिकृत खरेलले नागरिकता होम डेलिभरी गरिदिएको खुलासा गरेको थियो ।
विदेशी दावालाई नेपाली वंशज नागरिकता ‘होम डेलिभरी’ ! फर्जी विवरण झपेन्द्रद्वारा प्रमाणिकरण
धरौटीमा रिहा भएलगत्तै पुनः पक्राउ परिन् अमला रोका
६० किलो सुन तस्करी प्रकरणमा २ लाख धरौटी बुझाएर रिहा हुनेबित्तिकै अमला रोका पुनः पक्राउ परेकी छिन् । उनलाई नेपाल प्रहरीको केन्द्रिय अनुसन्धान ब्यूरोले पक्राउ गरेका हुन् । सोमबार, असार ९, २०८२
६० किलो सुन तस्करी प्रकरणः अमला रोकालाई २ लाख धरौटीमा रिहा गर्न अदालतको आदेश
सुन तस्करी प्रकरणमा पक्राउ परेकी अमला रोकालाई घरौटीमा रिहा गर्न अदालतले आदेश दिएको छ । आइतबार हेर्दाहेर्दैमा रहेको मुद्दामा सोमबार जिल्ला अदालत काठमाडौँका न्यायाधीश बलराम लम्सालको इजलासले रोकालाई... सोमबार, असार ९, २०८२भर्खरै
- बेइमानहरु ! कानुन मै किर्ते ?
- विमानस्थलका दुई पसललाई २ लाख बढी जरिवाना, सोल्टी होटललाई तीन दिनभित्र उपस्थित हुन निर्देशन
- कुलिङ पिरियडबारे सामान्य प्रशासनमन्त्री भन्छन्, ‘रामहरीजीले पत्तै नदिई संसदमा प्रतिवेदन पेस गर्नुभयो’
- रुपन्देहीको चुनाव जनता भर्सेस राणा शासन हो, इतिहास रच्नुपर्छः सागर ढकाल
- २८ अङ्कले बढ्यो नेप्से परिसूचक
- ङुइला नाका तीन महिनाका लागि खुल्ला
- निजामती सेवा विधेयकमा षड्यन्त्र गर्नेमाथि छानबिन गरेर कारबाही गर्नुपर्छ : प्रचण्ड
- मनसुन सुरु भएको १ महिनामै ६७४ घटना, ३१ जनाको मृत्यु, ११२ घाइते
