दावासँग तस्करीको ‘डिल’ गर्ने झलकरामलाई सामान्य सोधपुछ, दिपेशको पनि हाजिरी मात्रै

१९ भदौ, काठमाडौं – ६० किलो सुन प्रकरणमा दावासँग साँठगाठ गरेका अध्यागमन विभागका तत्कालिन महानिर्देशक झलकराम अधिकारीलाई प्रहरीको केन्द्रिय अनुसन्धान ब्यूरो (सीआईबी)ले सामान्य सोधपुछ गरेको छ ।

Watch On

दावासँग विच्याटमा झकलराम अधिकारीले गरेको संवाद सिधाकुराले सार्वजनिक गरेको थियो । उनले उक्त च्याटमा धेरै पैसाको ठुलो कारोबारको कुरा मात्रै गरेका थिएनन्, दावाको गोदाममा भेटिएको पानी तान्ने मोटरको तस्वीर र कागजात समेत पठाएका थिए । दावासँग संवाद भएको र भेटघाट भएको अधिकारी आफैँले सिधाकुरासँग स्वीकार गरेका थिए । Exclusive : सुन तस्करीमा जोडिए अध्यागमन विभागका महानिर्देशक अधिकारी, गृहमन्त्रीको भूमिकामा गम्भिर प्रश्न ?

तर उनी प्रधानमन्त्री पुष्पकमल दाहाल प्रचण्ड निकटका पात्र हुन् । दावा–अधिकारी कनेक्सन सिधाकुरामा प्रकाशन भएपछि गृहमन्त्रालयले अध्यागमनबाट फिर्ता बोलाए पनि बालुवाटारको दबावका कारण सीआईबीले पक्राउ गरेर अनुसन्धान गर्न भने सकेन । बरु बोलाएर सामान्य सोधपुछपछि बोलाएका बखत उपस्थित हुने कागज गराएर बिदा गरिएको सीआईबी स्रोत बताउँछ ।

त्यस्तै पूर्वउपराष्ट्रपति नन्दबहादुर पुनका छोरा दिपेश पुनलाई पनि सामान्य कागज मात्रै बनाएर छोडिएको छ । पुनको समेत दावा र सुन तस्करीमा पक्राउ परेका अन्य चिनियाँसँग सिधासम्पर्क देखिएको छ । तर उनलाई पनि बोलाएको बेला आउने सर्तमा कागज गराएर छोडिएको सीआईबी स्रोत बताउँछ । 

कुनै पनि कसुरमा व्यक्तिको संलग्नता तथा भुमिका शंकास्पद देखिएमा त्यस्ता व्यक्तिलाई प्रहरीले पक्राउ गरी बयान गराउँछ । बयान मात्र गराउँदैन उक्त बयानलाई प्राविधिक प्रमाणसहित अदालतमा पेश गर्छ । झलकराम अधिकारीले दावासँगको कनेक्सन स्विकार मात्रै गरेका छैनन्, नेपाल सरकारको जिम्मेवार भुमिका रहेकै बेला तस्करसँग डिल गरेका छन् । त्यसको प्रमाण दावा छिरिङको मोवाइल फरेन्सिक रिपोर्टबाट देखिएको छ । सीआइबीको नेतृत्व गरेका एक पूर्व डिआइजीका अनुसार उनलाई हिरासतमा राखेर अनुसन्धान गर्न ति प्रमाण यथष्ठ भएको बताउँछन् । उनि भन्छन्, ‘बोलाएको बेला आउने गरि छाडिनु भनेको दबाबमा छाडिएको हो ।