सबै कुरा

मन्त्रीलाई सघाउन विज्ञ समूह बनाउने देखि राजनीतिक नियुक्तिमा परिवारवादलाई पूर्ण निषेध गराउने रास्वपाको निर्णय

सिधाकुरा

आइतबार, चैत ४, २०८०

मन्त्रीलाई सघाउन विज्ञ समूह बनाउने देखि राजनीतिक नियुक्तिमा परिवारवादलाई पूर्ण निषेध गराउने रास्वपाको निर्णय

काठमाडाैँ । राष्ट्रिय स्वतन्त्र पार्टीले आफ्ना मन्त्रीहरुलाई सघाउन विज्ञ र अनुभविहरुको समूह बनाउने भएको छ । आइतबार रास्वपाका मन्त्री र केही नेताबिच बसेको बैठकले सो निर्णय गरेको हो ।

Watch On

त्यस्तै आजको बैठकले राजनीतिक नियुक्तिमा परिवारवादलाई पूर्ण निषेध गर्ने र कुनै पनि नियुक्तिमा जान्नेलाई छान्ने पार्टीको अवधारणा अनुसार समावेसितालाई मध्यनजर गरि मेरिटोक्रेसीलाई प्रधान मानेर अघि बढाउने निर्णय गरेको छ ।

त्यस्तै बैठकले मन्त्रालयहरूको एक हप्ताको काम , अनुभव , कमजोरीलाई समिक्षा गर्नुका साथै मन्त्रालयका बजेट, नीति कार्यक्रम र तत्कालका लागी संसोधन गर्न पर्ने नियम एवं साझा न्युनतम कार्यक्रमका बारेमा छलफल भएको छ ।

आजको बैठकले सरूवा, बढूवा तथा नियुक्तिको अनुचित सिफारिस गर्नेलाई पार्टीले साधारण सदस्यता खारेज गर्नेसम्म गर्न सकिने निर्णय गरेको छ ।

रास्वपाले प्रत्येक आइतबार आफ्ना ४ मन्त्री र उपसभापति डा‍.स्वर्णिम वाग्ले, महामन्त्री डा.मुकुल ढकाल र सासंद शिशिर खनालको सहभागितामा बैठक बस्ने गरेको छ । जसअनुसार यो रास्वपाको दोस्रो बैठक हो ।

प्रकाशित मिति: आइतबार, चैत ४, २०८०

प्रतिक्रिया दिनुहोस्