सबै कुरा

नागरिकता किर्ते प्रकरणमा राजेशमान सिंहलाई कारबाही माग गर्दै हस्ताक्षर संकलन, गृहमन्त्रीलाई बुझाउने तयारी

सिधाकुरा

सोमबार, चैत ५, २०८०

नागरिकता किर्ते प्रकरणमा राजेशमान सिंहलाई कारबाही माग गर्दै हस्ताक्षर संकलन, गृहमन्त्रीलाई बुझाउने तयारी

वीरगंज । वीरगंज महानगरपालिकाका मेयर राजेशमान सिंहलाई कारबाही माग गर्दै निरन्तर आन्दोलन भईरहेको छ । आन्दोलनको तेस्रो दिन सोमबार हस्ताक्षर संकलन गरिएको छ । वीरगंजको घण्टाघर चोकमा राखिएको हस्ताक्षर कार्यक्रममा स्थानीय सर्वसधारण तथा विभिन्न दलका नेता कार्यकर्ताहरुले हस्ताक्षर गरेका छन् ।

Watch On

मेयर सिंहले नक्कली बाबु बनेर रुबिना श्रेष्ठ नाम गरेकी युवतिलाई नागरिकता दिलाएको विषय सिधाकुराले पुस २४ गते खुलासा गरेको थियो । मेयर सिंह बिरुद्ध जिल्ला प्रशासन कार्यालय र जिल्ला प्रहरी कार्यालय, गृहमन्त्रालयदेखी ७ वटा निकायमा जाहेरी परेको छ । किर्ते प्रकरण सार्वजनिक भएको अढाई महिना पुग्न लाग्दा हालसम्म कार्वाही प्रकृया अगाडी बढाइएको छैन । यता फैजदारी अभियोगमा उजुरी दर्ता गरेको १० दिन वितिशक्दा समेत पर्सा प्रहरीले अनुसन्धानमा ढिलाई गर्दै आएको प्रदर्शनकारीहरुको आरोप छ ।

शुक्रबार बसेको सर्वदलीय बैठकले किर्तेमाथि किर्ते गरेका मेयर सिंह विरुद्ध चरणवद्ध आन्दोलनको घोषणा गरेको थियो । त्यसैको पहिलो दिन शनिवार मसाल जुलुस, दोश्रो दिन घण्टाघरमा भेला भएर विरोध प्रदर्शन आज तेस्रोदीन हस्ताक्षर संकलन गरिएको हो ।

संकलित हस्ताक्षर गृहमन्त्री रवि लामिछानेलाई बुझाउने तयारी गरिएकाे छ ।

प्रकाशित मिति: सोमबार, चैत ५, २०८०

प्रतिक्रिया दिनुहोस्