सबै कुरा

अब राष्ट्रसेवक प्रहरी कसैको भाँडा माझेर र लुगा धोएर बस्दैनन् : गृहमन्त्री लामिछाने

सिधाकुरा

बुधबार, चैत १४, २०८०

अब राष्ट्रसेवक प्रहरी कसैको भाँडा माझेर र लुगा धोएर बस्दैनन् : गृहमन्त्री लामिछाने

काठमाडाैँ । उपप्रधान एवं गृहमन्त्री रवि लामिछानलेले राष्ट्रसेवक प्रहरी कसैको पनि भाँडा माझेर र लुगा धोएर नबस्ने प्रष्ट पारेका छन् । बुधबार प्रतिनिधिसभा मातहतको राज्य व्यवस्था तथा सुसासन समितिमा बोल्दै मन्त्री लामिछानेले सांसदहरुले सुरक्षाका लागि प्रहरीको माग गरेको विषयलाई लिएर उनले प्रतिष्ठाका लागि प्रहरी नपठाइने बताएका हुन् ।

Watch On

‘सांसदहरुले सुरक्षा माग गर्नुभएको छ । त्यसलाई हामीले गम्भिरतापूर्वक लिएका छौँ । तर सेवा सुविधाका नाममा हाम्रा राष्ट्रेवकहरु कसैको भाँडा माझेर बस्दैनन् । कसैको लुगा धोएर बस्दैनन् । त्यो कुरा स्पष्ट पार्न चाहान्छु ।’, गृहमन्त्री लामिछानेले भने, ‘प्रहरीहरु कसेको प्रतिष्ठाको सुचक बनेर अघिपछि हल्लिएर चाहीँ हिन्दैन । त्यो कुरा म स्पष्ट पार्न चाहान्छु ।

त्यस्तै उनको जोकोही नागरिक होस् वा जो होस्, सुरक्षाको गम्भिर्यतालाई लिएर सुरक्षा दिन गृह मन्त्रालय र राज्य गम्भिर रहेको समेत उनले बताएका छन । नागरिकलाई सुरक्षा दिनु मन्त्रालयको जिम्मेवारी हो, राज्यको जिम्मेवारी हो र मन्त्री भएकाले मेरो पनि जिम्मेवारी हो । तर कसैले प्रतिष्ठाका लागि राष्ट्रसेवकलाई प्रयोग गर्न खोजेको विषय हामी स्विकार गर्न सक्दैनौँ । स्विकार गर्नु हुँदैन ।

प्रकाशित मिति: बुधबार, चैत १४, २०८०

प्रतिक्रिया दिनुहोस्