सबै कुरा

प्रहरी रूपान्तरण भइसकेको छः महानिरीक्षक कुँवर

सिधाकुरा

शुक्रबार, वैशाख २८, २०८१

प्रहरी रूपान्तरण भइसकेको छः महानिरीक्षक कुँवर

उदयपुर । नेपाल प्रहरीका महानिरीक्षक बसन्त बहादुर कुँवरले प्रहरी रूपान्तरण भइसकेको बताएका छन् । शुक्रबार जिल्ला प्रहरी कार्यालय उदयपुरले आयोजना गरेको कार्यक्रममा महानिरीक्षक कुँवरले प्रहरी रूपान्तरण भइसकेको बताएका हुन्। प्रहरी सङ्गठनमा केही आश लाग्दा कमाण्डरको कारण प्रहरी संगठनको कद उचो भएको कुँवरले बताए। कुँवरले सङ्गठनलाई व्यावसायिक, मर्यादित र जनमुखी बनाएर प्रहरीले काम गर्नुपर्ने बताए।

महानिरीक्षक कुँवरले प्रहरीलाई कसैको दबाब र प्रभावमा नपरी निष्पक्ष रुपमा काम गर्न निर्देशन दिएका थिए। कुँवरले उदयपुर प्रहरी परिसरमा नवनिर्मित शैलेश्वर शिव पाञ्चायन मन्दिर, अमर प्रहरी उद्यान र ईलाइबेरीको एक साथ समुद्घाटन गरेका थिए ।

कार्यक्रममा ८० बर्ष उमेर माथिका नेपाल प्रहरीका पूर्व कर्मचारी र जिल्ला प्रहरी कार्यालयका कर्मचारीलाई सम्मान गरिएको थियो । त्रियुगा नगरपालिकाका नगर प्रमुख बसन्त कुमार बस्नेतको अध्यक्षतामा सम्पन्न कार्यक्रममा प्रहरी अतिरिक्त महानिरीक्षक टेकप्रसाद राई, कोशी प्रदेश प्रहरी प्रमुख चन्द्रकुवेर खापुङ, जिल्लाका पालिका प्रमुख, राजनीतिक दलका प्रमुख, पत्रकार र विभिन्न संघ संस्थाका प्रतिनिधिको उपस्थित रहेको थियो ।

प्रकाशित मिति: शुक्रबार, वैशाख २८, २०८१

प्रतिक्रिया दिनुहोस्