नेभिगेशन
सबै कुरा
थली घटनाः

पारिवारिक विचलन, गरिबी र मानसिक समस्याले विक्षिप्त परिवारको दुर्घटना

काठमाडौँ । पारिवारिक विचलन, गरिबी र मानसिक समस्याले एकै पटक परिवारलाई गाँज्याे भने के हुन्छ ? काठमाडौँमा सोमबार भएको दुःखद एक पारिवारिक दुर्घटनाको प्रमुख कारण यस्तै भएको निष्कर्षमा प्रहरी पुगेको छ । 

काठमाडौँको कागेश्वरी मनोहरा नगरपालिका ५ थलीमा सोमबार बिहान भक्तपुरका ५४ वर्षीय कृष्ण नगरकोटी मृत भेटिएका थिए । दाह्री काट्ने ब्लेडले चिरेको अवस्थामा मृत भेटिएका नगरकोटीको घटना अनुसन्धानमा खटिएको प्रहरीले ८ घण्टा नबित्दै मृतका छोरा र छोरीलाई विक्षिप्त अवस्थामा उद्धार गरेको छ।


उनीहरु दुवै जनाको मानसिक अवस्था विक्षिप्त रहेको पाइएको छ मृतकका छोरालाई त आत्महत्या प्रयास गर्दा गर्दैको अवस्थामा उद्धार गरेको प्रहरीको भनाई छ । 
‘घाँटीकाे बायाँ पट्टीबाट झण्डै ८ सेन्टिमिटर लामो ब्लेडले काटिएको अवस्थामा छोराको उद्धार गरेका हौँ,’ अनुसन्धानमा खटिएका एक अधिकारीले सिधाकुरासँग भने,‘ ललितपुरको चल्नाखेलबाट उनको उद्धार गरिएको हो । उनको उमेर २१ वर्षको मात्रै छ ।’ 

मृतक कृष्णकी २८ वर्षीय छोरीलाई सेतोपुलमा एक ट्याक्सीमा बसिरहेको अवस्थामा उद्धार गरेर जिल्ला प्रहरी परिसर काठमाडौँमा राखिएको छ । मृतक कृष्ण १५ वर्षदेखि काठमाडौँमा ट्याक्सी चलाउँदै आएको पाइएको प्रहरीले जनाएको छ । 

३ महिना देखि ट्याक्सीमा रात बिताइरहेको परिवार 

महानगरीय प्रहरी वृत्त बौद्ध र जिल्ला प्रहरी परिसर काठमाडौँले गरेको अनुसन्धानमा चरम गरिबीबाट कृष्णको परिवार गुज्रिएको पाइएको छ । श्रीमतीले दोस्रो विवाह गरेर गएपछि एक्लिएको परिवारलाई कृष्णले काठमाडौंको रविभवनमा एक भाडाको कोठामा राखेका थिए । 
तर, तीन महिनादेखि भाडा तिर्न पनि नसकेपछि उनीहरु कोठामा जान नसकेर ट्याक्सीमै रात बिताउन बाध्य भएको बयान मृतक कृष्णका छोराले प्रहरीलाई दिएका छन् ।
‘श्रीमतीले छोडेपछि रविभवन पछाडिको गणेशथान नजिक कोठा लिएर छोरा, छोरीलाई लिएर कृष्ण बस्ने गरेको पाइएको छ,’ अनुसन्धानमा संलग्न अधिकृतले भने । 

बाबु छोराको सल्लाह ‘तिमी पनि आत्महत्या गर्नु, म कतै आत्महत्या गर्छु’ 

मृतक कृष्णको भनाई उदृत गर्दै छोराले प्रहरीलाई दिएको बयानमा एउटा अंश छ, ‘छोरा तिमी दक्षिणकालीको जङ्गलमा गएर आत्महत्या गर्नु, म पनि कतै आत्महत्या गर्छु ।’
प्रहरीकाअनुसार पारिवारिक अवस्था, गरिबी जस्ता कारणबाट जीवनसँग बिरक्तिएर बाबु कृष्णले छोरालाई आत्महत्या गर्ने तरिका सिकाए थिए । 
सोतोपुलमा आफ्नो बा १ ज ९६५ नम्बरको ट्याक्सीमा छोरीलाई राखेर ट्याक्सी बनाउने मिश्री लिन भन्दै बाबु छोरा गएका थिए । छुट्टिने बेलामा बाबुले छोरालाई आत्महत्या गर्न दक्षिणकाली जान भन्दै २ वटा ब्लेड र १२५ रुपैयाँ खर्च दिएको छोराले प्रहरीलाई बताएका छन् । 

CG

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप सबै कुरा
बैंककबाट काठमाडौँ आएका भारतीय नागरिक गाँजासहित पक्राउ

बैंककबाट काठमाडौँ आएका भारतीय नागरिक गाँजासहित पक्राउ

नेपाल प्रहरीको लागूऔषध नियन्त्रण ब्यूरोका अनुसार ३३ वर्षीय रञ्जित सिंह आइतबार पक्राउ परेका हुन् । त्रिभुवन अन्तरराष्ट्रिय विमानस्थल सुरक्षा कार्यालय र भन्सार कार्यालयबाट खटिएको संयुक्त टोलीले थाई एयरलाइन्सको...
स्पा र होटलहरूबाट आठ बालिकाको उद्धार, पाँच जना पक्राउ

स्पा र होटलहरूबाट आठ बालिकाको उद्धार, पाँच जना पक्राउ

अनुसन्धानका क्रममा उनीहरूले नाबालिकाहरूलाई जबर्जस्ती वेश्यावृत्तिमा लगाउने कार्य गरेको पाइएपछि प्रहरीले पक्राउ गरेको छ । सोही क्रममा ती होटल र स्पाबाट आठ बालिकाको उद्धार गरिएको ब्यूरोका प्रवक्ता प्रहरी...
विदेश पठाइदिने भन्दै ४९ लाख १४ हजार ठगी गर्ने पक्राउ

विदेश पठाइदिने भन्दै ४९ लाख १४ हजार ठगी गर्ने पक्राउ

कपिलवस्तु शिवराज नगरपालिका–५ घर भई हाल काठमाडौँ–३२ बस्ने ५४ वर्षीय पवित्रप्रकाश अधिकारी, भोजपुर षडानन्द नगरपालिका–१२ का ३३ वर्षीय बबिता विश्वकर्मा र भक्तपुर चाँगुनारायण नगरपालिका–९ घर भई हाल काठमाडौँ...
झुठ्ठा विवरण पेस गरी नागरिकता र राहदानी बनाउने तीन जना पक्राउ

झुठ्ठा विवरण पेस गरी नागरिकता र राहदानी बनाउने तीन जना पक्राउ

झुठ्ठा विवरण पेस गरी नागरिकता, राष्ट्रिय परिचयपत्र र राहदानी बनाइ विभिन्न व्यक्ति तेस्रो मुलुक जाने गरेका भन्ने सूचनाका आधारमा प्रहरीले तीन जनालाई काठमाडौँको विभिन्न स्थानबाट पक्राउ गरेको हो...