नेभिगेशन
सबै कुरा

सुन प्रकरणको छानबिन गर्न आयोग गठन गर्ने विषयमा आज पनि जुटेन सहमति

७ असोज, काठमाडौं । सुन तस्करी प्रकरणमा उच्चस्तरीय छानबिन आयोग गठनको विषयमा छलफल गर्न कार्यवाहक प्रधानमन्त्री पूर्णबहादुर खड्काको नेतृत्वमा बसेको बैठक निष्कर्षबिहिन भएको छ । रक्षामन्त्रालयमा जारी बैठकमा गृहमन्त्री नारायणकाजी श्रेष्ठ, कांग्रेसका रमेश लेखक, एमालेका महेश बर्तौला, रास्वपाका रवि लामिछाने, जसपाका प्रदीप यादव लगायतका प्रमुख दलका सचेतक प्रमुख सचेतक नेता सहभागी थिए । तर उक्त छलफलमा सहमति भने जुट्न सकेन । 

छानबिन आयोगबारे सरकारले तयार पारेको मस्यौदामा प्रमुख प्रतिपक्षी दल नेकपा एमालेले बिमती जनाएको हो । एमालेले आफूहरुले सुन प्रकरणको जरैसम्म पुग्नुपर्ने माग राखेपनि सरकार भने कानून परिमार्जन गर्नेतर्फ जोड दिएकाले सहमती हुन नसकेको बताएको छ ।

भदाै ५ गते आयोग गठनका बारेमा भएको सर्वदलीय सहमतिमा पछिल्लो समय भएका ठूला सुन तस्करीका घटना ६० किलो सुन प्रकरण, भेपमा लुकाएर ल्याइएको ९ किलो सुन प्रकरणमा समेत आयोगले आनुसन्धान गर्ने उल्लेख थियो । तर भेप प्रकरणमा माओवादी केन्द्रका उपाध्यक्ष कृष्णबहादुर महरा पनि जोडिएकाले माओवादीले भेप प्रकरणमा छानबिन गर्न नचाहेको एमालेको बुझाई छ । तर सरकारले भने त्यसो नभएको बताउँदै आएको छ । 

यसअघि शुक्रबार सिंहदरबारस्थित गृह मन्त्रालयमा सुन तस्करी छानबिनका लागि उच्चस्तरीय आयोग बनाउने विषयमा छलफल गर्न बसेको बैठक पनि निष्कर्षविहिन भएको थियो । 


प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप सबै कुरा
धरौटीमा रिहा भएलगत्तै पुनः पक्राउ परिन् अमला रोका

धरौटीमा रिहा भएलगत्तै पुनः पक्राउ परिन् अमला रोका

६० किलो सुन तस्करी प्रकरणमा २ लाख धरौटी बुझाएर रिहा हुनेबित्तिकै अमला रोका पुनः पक्राउ परेकी छिन् । उनलाई नेपाल प्रहरीको केन्द्रिय अनुसन्धान ब्यूरोले पक्राउ गरेका हुन् ।
६० किलो सुन तस्करी प्रकरणः अमला रोकालाई २ लाख धरौटीमा रिहा गर्न अदालतको आदेश

६० किलो सुन तस्करी प्रकरणः अमला रोकालाई २ लाख धरौटीमा रिहा गर्न अदालतको आदेश

सुन तस्करी प्रकरणमा पक्राउ परेकी अमला रोकालाई घरौटीमा रिहा गर्न अदालतले आदेश दिएको छ । आइतबार हेर्दाहेर्दैमा रहेको मुद्दामा सोमबार जिल्ला अदालत काठमाडौँका न्यायाधीश बलराम लम्सालको इजलासले रोकालाई...