उपसभामुख इन्दिरा राना गलत व्यक्ति होइनन्, उनीप्रति गर्व छः रास्वपा

काठमाडौँ । राष्ट्रिय स्वतन्त्र पार्टीले उपसभामुखको पत्रको विषयमा राजनीतक दाउपेच गर्न लागिएको आरोप लगाएको छ । आज सिंहदरवारस्थित संसदीय दलको कार्यालयमा बसेको सचिवालय बैठकले सभामुखको विषयमा उठेका प्रश्नबारे छलफल गरेको थियो । 

Watch On

अन्य रनजनीतिक दलको कदमपछि रास्वपाले कदम चाल्ने रास्वपा सह प्रवक्ता मनिष झा ले जानकारी दिए । ‘अहिले नै हामी के गर्ने भन्न सक्दैनौँ, हामी पर्ख र हेरको अवस्थामा छौँ । अर्को कुरा सरोकार छ । आक्रामक रुपमा हामी तयार छौँ । आएको परिस्थितिलाई कसरी सामना गर्ने, कसरी प्रतिकार गर्ने भन्ने कुरामा हाम्रो पूर्ण तयारी र सरोकार छ । उताको परिस्थिति के हुन्छ त्यो अनुसार प्रतिक्रिया जनाउँछौँ ।’

त्यस्तै झाले उपसभामुखले लेखेको पत्रलाई लामो समय लुकाएर राजानीतिक दाउपेच रचिएको आरोप लागाए । ‘त्यो पत्रलाई १८÷१९ महिनासम्म लुकाएर किन राखेको ? राजनीतिक दनउपेचमा प्रयोग पाइन्छ कि भनेर त होला नी ? गलत थियो भने त १८ महिना अगाडि नै गलत थियो नि । आज आएर गलत भएको हो र यो कुरा ?’ झा ले प्रश्न गरे । 

त्यस्तै रास्वपाले उपसभामुख इन्दिरा रानाप्रति गर्व भएको पनि बताएको छ । ‘व्यक्तिगत रुपमा हामीलाई इन्दिरा रानाप्रति गर्व छ । उनी गलत व्यक्ति होइनन्’, झा ले भने, ‘एउटा बेचिएको चेली आज आएर सदनको त्यो सम्मानित पदमा पुग्नुभएकोमा हामीलाई गर्व छ की हामीले त्यस्तो व्यक्तिलाई त्त्यो ठाउँमा पुर्याउन काम गर्यौँ । तर हामीलाई आज लज्जा हुँदै छ कि उहाँ त्यहाँ पुगेको देखि सहेनन् ।’