सबै कुरा

रास्वपा नेताहरु भन्छन्, 'सरकार स्वेच्छाचारी गतिविधि गर्छ भने जनविद्रोह हुन्छ'

सिधाकुरा

सोमबार, असोज ७, २०८१

रास्वपा नेताहरु भन्छन्, 'सरकार स्वेच्छाचारी गतिविधि गर्छ भने जनविद्रोह हुन्छ'

काठमाडाैँ । राष्ट्रिय स्वतन्त्र पार्टीका नेताहरुले सरकारले मनलाग्दी गर्न खोजे जनविद्रोह हुने बताएका छन् । सोमबार पार्टी केन्द्रीय कार्यालय वनस्थलीमा सञ्चारकर्मीसँग कुराकानी गर्दै पार्टी केन्द्रीय सदस्य सोबिता गौतमले सरकारले कानुनविपरित कुनै नागरिकलाई बल प्रयोग गर्न नमिल्ने बताइन् ।

Watch On

पार्टी सभापतिलाई पक्राउ गर्ने हल्ला गरेर सरकारले मिडिया ट्रायल गरको सांसदसमेत रहेकी गौतमले बताइन् । ‘जथाभावी स्वेच्छाचारी गर्न पाउनुपर्छ भन्ने किसिमको गतिविधि गर्छ भने त्यहाँ जनविद्रोह हुन्छ ।’, गौतमले भनिन्, ‘हामी लोकतान्त्रिक पद्धतिमा छौँ । सरकारले सोही पद्धति अनुसार कसरी राज्य सञ्चालन र नागरिकलाई कसरी सम्बोधन गर्ने भन्ने विषय सरकारले जान्नुपर्छ ।’

त्यस्तै पार्टी केन्द्रीय सदस्य तथा सह प्रवक्ता प्रतिभा रावलले सरकारले छविलाल जोशीलाई पक्राउ गरेर पार्टी सभापति रवि लामिछानेलाई पक्राउ गर्न ट्रायल गरेको आशंका गरेकी छिन् । ‘सरकारले छविलाल जोशीमार्फत कसरी पार्टी सभापति रवि लामिछानेसम्म पुग्न सकिन्छ कि भनेर ट्रायल गरेको हुन सक्छ । यस विषयमा हामी सचेत छौँ ।’, सहप्रवक्ता रावलले भनिन्, ‘बहुमतको बल देखाएर सत्ता नै लागेपछि कसको के लाग्छ र ? उहाँहरु जसरी निरञ्कुश भएर लाग्नुभएको छ । त्यो निन्दनीय छ ।’

प्रकाशित मिति: सोमबार, असोज ७, २०८१

प्रतिक्रिया दिनुहोस्