सबै कुरा

प्रधानमन्त्रीलाई सुमना श्रेष्ठको प्रश्न, ‘नेपाल फर्किएर आएका युवालाई तुच्छ व्यवहार गर्नेले कुन नैतिक धरातलले अरुलाई देश फर्क भन्ने हो ?’

सिधाकुरा

सोमबार, असोज ७, २०८१

प्रधानमन्त्रीलाई सुमना श्रेष्ठको प्रश्न, ‘नेपाल फर्किएर आएका युवालाई तुच्छ व्यवहार गर्नेले कुन नैतिक धरातलले अरुलाई देश फर्क भन्ने हो ?’

काठमाडौँ । रास्वपा सांसद एवम् तत्कालीन शिक्षामन्त्री सुमना श्रेष्ठले प्रधानमन्त्री केपी शर्मा ओलीले विदेशमा रहेका नेपालीहरूलाई देश फर्क भन्ने नैतिकता गुमाएको बताएकी छिन् । संयुक्त राष्ट्र संघको महासभामा भाग लिन अमेरिका पुगेका प्रधानमन्त्री केपी शर्मा ओलीले भोली हार्बर्ड विश्वविद्यालयमा एक कार्यक्रममा सम्बोधन गर्दैछन् । सोही कार्यक्रममा यस विषयमा प्रधानमन्त्रीलाई प्रश्न सोधिदिन उनले अनुरोध गरेकी हुन् ।

Watch On

‘नेपाल फर्किएर आएका युवालाई तुच्छ व्यवहार गर्ने, देशलाई पुरुषको मात्र हो, महिलाको त माइत हो भन्ने व्यक्तिले कुन नैतिक धरातलले देश फर्क भन्ने हो ?’ सुमनाले लेखेकी छिन्,‘नेपालको विश्वविद्यालयमा विद्यार्थीलाई दलगत राजनीतिमा आबद्ध गराउन सपथ खाएर उता हार्बर्ड र कोलम्बिया विश्वविद्यालयमा हाम्रा प्रधानमन्त्री ओलीज्यू सम्बोधन दिन लाग्नु भएको छ । न्यू योर्क र बस्टनमा हुनुहुने सबैले गएर सुन्नुहोला है । ’

शिक्षामन्त्री भएको बेला ओलीले श्रेष्ठलाई विदेशी नागरिक भएको र नेपाल माइत मात्रै भएको भन्दै टिप्पणी गरेका थिए । श्रेष्ठले राजनीतिक दलमा लागेका शिक्षकहरूलाई कारबाही तीब्र पारेपछि ओली उनलाई मन्त्रीबाट हटाउन लागि परेका थिए ।

प्रकाशित मिति: सोमबार, असोज ७, २०८१

प्रतिक्रिया दिनुहोस्