सबै कुरा

गंगालाल अस्पतालको फोहर संकलनमा रोक

सिधाकुरा

सोमबार, असोज ७, २०८१

काठमाडौँ । काठमाडौँ महानगरपालिकाले बाँसबारीस्थित सहिद गंगालाल राष्ट्रिय हृदय रोग केन्द्रको फोहर संकलनमा रोक लगाएको छ । वातावरण व्यवस्थापन विभागको नेतृत्वमा स्वास्थ्य विभाग, महानगर प्रहरी बलसहितको टोली, अस्पतालको फोहर संकलन केन्द्रमा पुग्दा हानीकारक फोहर र सामान्य फोहर एकै ठाउँमा राखिएको भेटिएपछि हानीकारक फोहर निर्मलीकरण नहुञ्जेलसम्मका लागि फोहर संकलनमा रोक लगाइएको वातावरण व्यवस्थापन महाशाखा प्रमुख कविता राईले जानकारी दिइन् ।

Watch On

अस्पतालले फोहर व्यवस्थापनका लागि छुट्टै टहरा बनाएको छ । टहराभित्र फरक प्रकृतिका फोहर राख्न छुट्टै कोठा बनाइएको छ । संरचना उपयुक्त बनाए पनि फोहर संकलन र व्यवस्थापन अभ्यास भने अनुपयुक्त पाइएको वरिष्ठ शाखा अधिकृत सानुमैयाँ महर्जनले बताइन् ।

महर्जनका अनुसार फोहर निर्मलीकरणका लागि ३ वटा अटोक्लेभ मेसिन राखिएकोमा २ वटा विग्रिएका थिए भने एउटाले पनि राम्रोसँग काम गरेको थिएन ।

यता गंगालाल अस्पताल प्रसासनले भने स्रोतमा वर्गीकरण राम्रो भएको दावी गरिरहेको थियो । अनुगमन टोलीले संकलन केन्द्रमा सबै फोहर एकै ठाउँमा हुने भएपछि यस अघि गरिएका सबै प्रयास निष्फल भएको जनाउँदै त्यस अघिका प्रक्रियामा चासो दिएन ।

प्रकाशित मिति: सोमबार, असोज ७, २०८१

प्रतिक्रिया दिनुहोस्