सबै कुरा

धादिङका प्रहरी प्रमुख पनि हेडक्वार्टर तानिए

सिधाकुरा

सोमबार, असोज १४, २०८१

धादिङका प्रहरी प्रमुख पनि हेडक्वार्टर तानिए

काठमाडाैँ । प्रहरी प्रधान कार्यालयले धादिङका प्रहरी प्रमुखलाई हेडक्वार्टर तानेको छ । विपदको समयमा सन्तोषजनक कार्यसम्पादन नगरेको भन्दै गृह मन्त्रालयले धादिङका प्रमुख जिल्ला अधिकारीलाई मन्त्रालय तानेसँगै प्रहरी प्रधान कार्यालयले प्रहरी प्रमुख एसपी गौतम केसीलाई समेत हेडक्वार्टर तानेको हो ।

Watch On

अविरल वर्षासँगै गएको बाढी र पहिरोको समयमा समग्र जिल्लाको सुरक्षा कमाण्ड सम्हालेका एसपी गौतमले उचित भूमिका निर्वाह नगरेको भन्दै हेडक्वार्टर तानिएको हो । उनको स्थानमा दीपेन्द्र शाहीलाई जिम्मेवारी दिएर पठाइएको छ ।

बिहिबार देखि परेको अविरल वर्षापछि धादिङको झ्याप्ले खोलामा गएको पहिरोमा परि ३ यात्रुबाहक बस र २ हायस पुरिएका थिए । जसमा ३५ यात्रुको मृत्यु भएको थियो ।

जल तथा मौसम विज्ञान विभाग, मौसम पूर्वानुमान महाशाखाको पूर्वानुमानसँगै उक्त क्षेत्रमा सवारी साधन सञ्चालनमा रोक लगाउन भनिएको थियो । तर प्रशासनले सो सुझाव कार्यान्वयनमा समेत अन्देखा गरेको भन्दै प्रहरी प्रमुख र प्रमुख जिल्ला अधिकारीलाई काठमाडौँ तानिएको छ ।

गृह मन्त्रालयले धादिङका प्रमुख जिल्ला अधिकारी राजेन्द्रदेव पाण्डेलाई हटाएर मन्त्रालयका सहसचिव सुमन घिमिरेलाई जिम्मेवारी दिएको छ ।

प्रकाशित मिति: सोमबार, असोज १४, २०८१

प्रतिक्रिया दिनुहोस्