सबै कुरा

सहकारी पीडितको आवरणमा रविमाथि आक्रमण गर्ने कार्यकर्ता छुटाउन प्रहरी कार्यालय पुगे कांग्रेस जिल्ला सभापति

सिधाकुरा

शनिबार, असोज १९, २०८१

सहकारी पीडितको आवरणमा रविमाथि आक्रमण गर्ने कार्यकर्ता छुटाउन प्रहरी कार्यालय पुगे कांग्रेस जिल्ला सभापति

चितवन । चितवनमा रास्वपा सभापति रवि लामिछानेमाथि ढुंगामुडा गरी पक्राउ परेका व्यक्तिहरु सहकारी पीडित नभएको खुलेको छ । उनीहरु कांग्रेस र एमालेका कार्यकर्ता भएको पाइएको छ ।

Watch On

रास्वपा सभापति एवं चितवन–२ का सांसद रवि लामिछानेले भरतपुरको नारायणी कला मन्दिरमा आज आयोजना गरेको ‘चितवनवासीसँग भेटघाट कार्यक्रम’ विथोल्न खोजिएको थियो । शनिबार ११ वजेका लागि तोकिएको उक्त कार्यक्रममा केही मानिसहरुको हुल जवरजस्ती होहल्ला गर्दै कार्यक्रमस्थल प्रवेश गर्न खोजेका थिए । सो क्रममा उनीहरुले ढुंगामुडा समेत गरेका थिए ।

ढुंगा लागेर सफल गुप्ता थापा र अमित गुप्ता घाइते भएका छन् । उनीहरुको भरतपुर अस्पतालमा उपचार भइरहेको छ।

ढुंगा प्रहार गर्नेलाई प्रहरीले तितरवितर गरेको थियो । जसमध्ये दुईजनालाई पक्राउ गरिएकाे प्रहरीले जनाएकाे छ । पक्राउ पर्नेहरुमा अनमोल अधिकारी र हरि आचार्य रहेका छन् । अधिकारी चितवन कांग्रेसका प्रवक्ता हुन् भने आचार्य नेरास्विवयुमा आवद्ध छन् ।

उनीहरुलाई छुटाउन कांग्रेस जिल्ला सभापति राजेश्वर खनाल प्रहरी चौकी पुगेका छन् । सहकारी पीडितको अवरणमा कांग्रेस र एमालेका कार्यकर्ताहरुले सभापतिमाथि आक्रमण गरिएको चितवनका रास्वपा नेताहरुले बताएका छन् ।

प्रकाशित मिति: शनिबार, असोज १९, २०८१

प्रतिक्रिया दिनुहोस्