सबै कुरा

भुल सुधार प्रकाशन

सिधाकुरा

बुधबार, कात्तिक २८, २०८१

काठमाडौँ । उपरोक्त सम्बन्धमा यस सिधाकुरा डटकमबाट २०८१ वैशाख १४ गते शुक्रबारका दिन प्रकाशित ‘द डार्क फाइल’ सिरिज अन्तर्गतको पहिलो दोस्रो र तेस्रो खण्डका समाचार हटाइएको जानकारी गराउँदछौँ ।

Watch On

सो मितिमा प्रकाशित EXCLUSIVE: ४ सय बढी भ्रष्टाचारका मुद्दा ढिसमिस गराउन सर्वोच्चका न्यायाधीश सहभागी बैठकको ‘स्टीङ अपरेशन’, कैलाश सिरोहिया र रामेश्वर थापा पनि जोडिए’ शीर्षकको समाचार, त्यसको दोस्रो दिन प्रकाशित, शृङ्खला दुई र तेस्रो भागमा प्रकाशित राजकुमार तिमल्सिनाको अन्तरवार्ता यस सिधाकुरा डटकम, यसको समाजिक सञ्जाल तथा डिजिटल प्लेटफर्मबाट हटाइसकिएको छ ।

सो समाचार सामाग्रीका सन्दर्भमा सञ्चार माध्यमको नियमक निकाय प्रेस काउन्सिल नेपालसँगको लिखित समझदारीमा २०८१ वैशाख १७ गते नै स्थगन गरिएको र २०८१ वैशाख १७ मै सर्वोच्च अदालतबाट भएको आदेशअनुसार सिधाकुराले समाचार सामाग्री डिलिट गरेर अदालती प्रक्रियामा सहभागी भएको थियो ।

पाँच महिना लामो अदालती प्रक्रियापछि २०८१ असोज १३ गते भएको सर्वोच्च अदालतको बृहत पूर्ण इजलासको फैसला बमोजिम अदालतले विपक्षी बनाएको सिधाकुरा डटकमको हकमा पनि समाचार सामाग्री प्रकाशनप्रति लिखित माफी माग्न भएको आदेश बमोजिम यो भुलसुधार सूचना प्रकाशित गरिएको छ।

उक्त समाचार सामाग्री स्रोतको विश्वास गरी सत्य तथ्य परीक्षण नगरी प्रकाशन प्रसारण हुन गएकामा प्रकाशित समाचार प्रकाशनप्रति सिधाकुरा क्षमायाचना गर्दै याे भुल सुधार प्रकाशित गगरेको जानकारी गराउँदछ।

सिधाकुरा डटकम आफ्ना पाठक र स्रोतहरूलाई सत्य र तथ्यपूर्ण समाचार सामाग्री नियमित प्रकाशन प्रसारणको प्रतिबद्धता पनि जनाउँदछ।

–सम्पादक

प्रकाशित मिति: बुधबार, कात्तिक २८, २०८१

प्रतिक्रिया दिनुहोस्