सबै कुरा

‘रास्वपा सभापतिमाथि राजनीतिक प्रतिशोधको जवाफ काठमाडौंका जनताले ब्यालेटबाट दिए’: रोजिना श्रेष्ठ

सिधाकुरा

सोमबार, मंसिर १७, २०८१

‘रास्वपा सभापतिमाथि राजनीतिक प्रतिशोधको जवाफ काठमाडौंका जनताले ब्यालेटबाट दिए’: रोजिना श्रेष्ठ

काठमाडौं । काठमाडौं महानगरपालिका १६ को उप निर्वाचनमा राष्ट्रिय स्वतन्त्र पार्टीकी रोजिना श्रेष्ठ निर्वाचित भएकी छिन् । सोमबार बिहान सकिएको मतगणनामा उनी निकटतम प्रतिस्पर्धी भन्दा ६ सय बढी मतान्तरले निर्वाचित भएकी हुन् । काठमाडौंको संसदीय निर्वाचनमा क्षेत्र नम्बर ७ लाई प्रतिनिधित्व गर्ने सिंगै वडामा निर्वाचित भएपछि वडा अध्यक्ष श्रेष्ठले वडाका सबै जनताप्रति धन्यवाद ज्ञापन गरेकी छिन् ।

Watch On

सिधाकुरासँग कुरा गर्दै उनले आफूलाई भोट दिने र नदिने भनी कसैलाई भेदभाव नगर्ने बताइन । उनले रास्वपा सभापतिमाथिको राजनीतिक प्रतिशोधको जवाफ जनताले ब्यालेटबाट दिएको पनि प्रस्ट्याइन् ।

‘मलाई यहाँका जनताले ठूलो जिम्मेवारी सुम्पिनु भयो । म यो जिम्मेवारीको भारी कसैप्रति भेदभाव नगरी पुरा गरेर देखाउने छु । जनतालाई निराश बनाउँदिन,’ उनले भनिन् ‘रास्वपा सभापतिमाथि राजनीतिक प्रतिशोधको जवाफ काठमाडौंका जनताले ब्यालेटबाट दिए ।’

नवनिर्वाचित वडाअध्यक्ष श्रेष्ठले आफूले यहाँका जनतालाई दलका सदस्यका रुपमा व्यवहार नगर्ने पनि प्रष्ट पारिन । ‘मलाई भोट दिने, नदिने भनेर म भेदभाव गर्ने छैन, सबैप्रति समान व्यवहार गरिने छ । वडा १६ लाई नमूना बनाउन काम हुनेछ’ उनले भनिन् ।

प्रकाशित मिति: सोमबार, मंसिर १७, २०८१

प्रतिक्रिया दिनुहोस्