नेभिगेशन
सबै कुरा
इजरायलमा हमास आतंक :

कसरी पत्याऊँ छोरो ज्युँदो छैन, शरीरको एक टुक्रो भएपनि देख्न पाउँ : इजरायलमा ज्यान गुमाएका गणेशका बा

बझाङ : केही दिनदेखि बझाङ केन्द्रबिन्दु बनाएर निरन्तर भुकम्प र त्यसका पराकम्पन आइरहेका थिए । लगातार आइरहेका पराकम्पनले जयपृथ्वीबहादुर नगरपालिका- ११ का धनलाल आउजीको घर मात्रै होइन मन पनि थिर थिएन ।


 टिकापुरमा कृषि पढ्दै गरेका उनका कान्छा छोरा गणेश नेपाली गत भदौ २५ गते अध्ययनकै लागि इजरायल उडेका थिए । क्याम्पसबाटै पढ्दै कमाउँदै गर्न पाइन्छ बा १ भन्दै उडेका गणेशले शुक्रबार फोन गरेका थिए । गणेशले बाबुलाई भुकम्प आइरहेको छ, सुरक्षित बस्नु भनेका थिए । 

त्यसैका बिच शनिबार साँझ बीबीसीले एउटा दुखदः खबर सुनायो । उक्त खबर थियो, इजरायलमा प्यालेस्टाइनको हमास समूहले गरेको बमबारी । इजरायल सुन्ना  साथ धनलालको मन चिसो नभएको होइन, तर अन्यत्र होला भनेर सुते । 

भोलिपल्ट अर्थात आइतबार बिहानैदेखि छोरासँग कुरा गर्न खोजे पनि सम्पर्क भएन । साँझसम्म त सबैतिर गणेशको मृत्युको समाचार आयो । गाँउलेहरुले उनलाई खबर सुनाए । “हामीलाई सुरक्षित बस्नु भनेको छोरो आफू कहिल्यै नबोल्ने गरि गइसकेछ”, धनलाल भक्कानिए ।


धनलाल अझै पनि छोरो ज्युँदो छैन भन्ने समाचारको विश्वास गर्न सकिरहेका छैनन् । इजरायलमा छोरोको मृत्यु भएको खबर पाएका धनलालले आफ्नो मुटुको टुक्रा खसेको बताउँछन् । ‘बच्चालाई यहाँ पाउन सकुँला नसकुँला, उसको शरीरको एउटा टुक्रा भएपनि आफ्नो कलेजीको टुक्रा हो, देख्न पाए हुन्थ्यो ।’, धनलालको गला सुकेको छ । 

त्यस्तै गणेशले शुक्रबार साँझ, दाइ विकासलाई पनि फोन गरेका थिए । “काम सिस्टमा हुने रहेछ, राम्रो छ भन्दा गणेशको अनुहारमा खुशी झल्किएको थियो”, विकास सम्झिन्छन् । 


कृषि सङ्कायको आठौँ सेमेस्टर पढ्दै गरेका गणेश भदौ २५ गते मात्रै इजरायलको ‘लर्न एण्ड अर्न’ अर्थात काम गर्दै सिक्दै भन्ने कार्यक्रमका लागि ३ लाख ऋण गरेर इजरायल पुगेका थिए ।

सुदूरपश्चिम विश्वविद्यालयको कृषि सङ्कायका आठौं सेमेस्टरका ४९ जना विद्यार्थी एक महिनाअघि मात्रै प्रयोगात्मक सिकाइका लागि ११ महिनाको ‘ लर्न एन्ड अर्न प्रोग्राम’ का लागि सेदोत नेगेभ क्षेत्रमा पुगेका थिए । जसमध्ये हालसम्म १० जनाकाे निधन भइसकेकाे छ । 

Watch On

Facebook Tiktok Youtube Instagram Twitter
प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप सबै कुरा
मध्यपूर्वमा द्वन्द्वका कारण लाखौँ मानिस विस्थापित, मानवीय सङ्कट झन् गहिरिँदै

मध्यपूर्वमा द्वन्द्वका कारण लाखौँ मानिस विस्थापित, मानवीय सङ्कट झन् गहिरिँदै

संयुक्त राष्ट्रसङ्घको मानवीय मामिला समन्वय कार्यालयले इरान र लेबनानमा स्वास्थ्य सेवा पूर्वाधारमा ठूलो क्षति पुगेको जनाएको छ । इरानी रेड क्रिसेन्ट सोसाइटीका अनुसार इरानमा २३० भन्दा बढी स्वास्थ्य...
डोनाल्ड ट्रम्प भन्छन्, 'इरानसँगको युद्ध यो साता सकिने सम्भावना कम छ'

डोनाल्ड ट्रम्प भन्छन्, 'इरानसँगको युद्ध यो साता सकिने सम्भावना कम छ'

ह्वाइट हाउसमा सोमबार पत्रकारहरूसँग कुरा गर्दै ट्रम्पले युद्ध यसै साता सकिन्छ कि भन्ने प्रश्नमा भने, ‘म त्यस्तो ठान्दिनँ, तर चाँडै अन्त्य हुनेछ। धेरै समय लाग्दैन, यो छिट्टै टुंगिन्छ...
श्रीलङ्कामा इन्धन सङ्कट, अत्यावश्यक बाहेकका सरकारी कार्यालय बुधबार बन्द रहने

श्रीलङ्कामा इन्धन सङ्कट, अत्यावश्यक बाहेकका सरकारी कार्यालय बुधबार बन्द रहने

मङ्गलबार जारी गरिएको सूचनाअनुसार मार्च १८ देखि सरकारी कर्मचारीहरूका लागि हरेक बुधबार साप्ताहिक बिदा दिने व्यवस्था लागू गरिने भएको छ । आवश्यक सेवाका आयुक्त प्रभात चन्द्रकीर्थीले सार्वजनिक गरेको...
दुबई विमानस्थल नजिक ड्रोन आक्रमण, उडान सेवा प्रभावित

दुबई विमानस्थल नजिक ड्रोन आक्रमण, उडान सेवा प्रभावित

शहरका अधिकारीहरूले यात्रु र कर्मचारीहरूको सुरक्षालाई ध्यानमा राख्दै यस्तो निर्णय गरिएको बताएका छन् ।

भर्खरै