सबै कुरा

रवि लामिछानेलाई अदालत उपस्थित गराइयाे

सिधाकुरा

आइतबार, मंसिर २३, २०८१

काठमाडाैँ । सहकारी प्रकरणमा पक्राउ परेका रवि लामिछानेलाई म्याद थपका लागि अदालत उपस्थित गराइएको छ । सहकारीको रकम अपचलनको आरोपमा पक्राउ परेर अनुसन्धानका लागि कास्की प्रहरीको हिरासतमा रहेका लामिछानेलाई आइतबार कास्की जिल्ला अदालतमा उपस्थित गराइएको हो ।

Watch On

यसअघि पाएको म्यादमा अनुसन्धान नसकिएको भन्दै प्रहरीले लामिछानेलाई अदालत उपस्थित गराएको हो ।

सहकारी रकम अपचलनको आरोप लागेका लामिछानेलाई कास्की प्रहरीको पत्रका आधारमा कात्तिक २ गते नेपाल प्रहरीको केन्द्रीय अनुसन्धान ब्यूरोले पक्राउ गरेर कास्की पठाएको थियो ।

कास्की जिल्ला अदालतले गत मंसिर ९ गते रवि लामिछानेलाई हिरासतमा राखेर अनुसन्धान गर्न पाचौँ पटक म्याद थप गरेको थियो । सो समयमा अदालतले रविलाई १५ दिन हिरासतमा राखेर अनुसन्धान गर्न अनुमति दिएको थियो । सो समय शनिबार सकिएपछि आइतबार कार्यालय खुल्नासाथ उनलाई अदालत उपस्थित गराइएको हो । लामिछानेमाथि पोखराको सूर्यदर्शन, बुटवलको सुप्रिम, चितवनको साहारा, काठमाडौँको स्वर्णलक्ष्मी, पर्साको सानोपाइला सहकारीको रकम अपचलनमा अनुसन्धान भइरहेको छ । प्रहरीले पर्सा बाहेकका सहकारी भएको ठाउँमा लगरे लामिछानेको बयान समेत लिइसकेको छ ।

प्रकाशित मिति: आइतबार, मंसिर २३, २०८१

प्रतिक्रिया दिनुहोस्