विनोद भण्डारीकाे अर्धशतकमा जनकपुरलाई हराउँदै फाइनल प्रवेश गर्यो सुदुरपश्चिम

काठमाडौँ । काठमाडौँ । बुधवार भएको पहिलो क्वालिफायर खेलमा जनकपुर बोल्ट्सलाई ८ विकेटले पराजित गर्दै सुदूरपश्चिम एनपिएलको फाइनल प्रवेश गरेको हो । जनकपुरले दिएको १ सय ४० रनको लक्ष्य सुदूरपश्चिमले १८ दशमलव ३ ओभरमा २ विकेट गुमाएर पूरा गर्यो । 

Watch On

सुदूरपश्चिमको जितमा विनोद भण्डारीले सर्वाधिक ५८ रन जोडे । त्यसअघि टस जितेर पहिले ब्याटिङ गरेको जनकपुरले निर्धारित २० ओभरमा ८ विकेट गुमाएर १ सय ३९ रनको योगफल तयार गरेको थियो । पराजित टोली जनकपुरले फाइनल प्रवेशका लागि बिहीबार दोस्रो क्वालिफायरमा इलिमिनेटरको विजेता कर्णाली याक्ससंग खेल्ने छ ।

कर्णाली याक्सले बुधबार नै इलिमिनेटरमा चितवन राइनोजलाई २१ रनले हराउँदै दोस्रो क्वालिफायरमा स्थान बनाएको हो । १ सय ७६ रनको लक्ष्य पछ्याएको चितवनले निर्धारित २० ओभरमा ९ विकेट गुमाएर १ सय ५४ रन मात्र जोड्न सक्यो । चितवनका लागि रवि बोपाराले सर्वाधिक ५३ रन बनाए । त्यसअघि टस हारेर ब्याटिङको निम्तो पाएको कर्णालीले निर्धारित २० ओभरमा ६ विकेट गुमाएर १ सय ७५ रनको योगफल तयार गरेको थियो । कर्णालीका लागि कोल्सावालाले सर्वाधिक ५३ रन जोडे ।

दोस्रो क्वालिफायरको विजेता र सुदूरपश्चिमबीच शनिबार उपाधीका लागि प्रतिष्पर्धा हुने क्यानले जनाएको छ । एनपिएलको विजेताले १ करोड १० लाख रुपैयाँ पुरस्कार प्राप्त गर्नेछ भने दोस्रो हुने टोलीले ५१ लाख, तेस्रो टोलीले २५ लाख र चौथो १५ लाख प्राप्त गर्ने क्यानले जनाएको छ ।