बुटवल र भैरहवामा नयाँ MG S5 EV सार्वजनिक

काठमाडाैँ । एमजी माेटर्स नेपाल (MG Motors Nepal)ले बहुप्रतीक्षित एमजी एसफाइभ इभि (MG S5 EV)लाई बुटवल र भैरहवामा पनि सार्वजनिक गरेकाे छ । यसलाई कम्पनीले नेपालको विद्युतीय सवारी साधन (EV) बजारमा नयाँ युगको सुरुवात भएकाे जनाएकाे छ । बुटवलमा वरुण मोटर्स प्रा. लि. र भैरहवामा थ्री एच.एल. कम्पनी प्रा. लि. मार्फत उक्त सवारीसाधनको बिक्री सुरु गरिएको हो । 

Watch On

MG ZS EV को उत्तराधिकारीको रूपमा आएको MG S5 EV ले अत्याधुनिक प्रविधि, उत्कृष्ट प्रदर्शन, र प्रिमियम विशेषता लिएर विद्युतीय गाडीप्रेमीहरूलाई लक्षित गरेको छ। सार्वजनिक समारोहको अवसरमा, MG Motors Butwal र MG Motors Bhairahawa ले बुटवल र भैरहवा आसपास क्षेत्रमा टेस्ट ड्राइभ र बुकिङ कार्यक्रमहरू सुरु गरेका छन्, जसले ग्राहकहरूलाई विद्युतीय सवारीको अनुभव लिन अवसर दिनेछ।

MG S5 EV कम्फर्ट र डिलक्स गरी दुई भेरिएन्टमा उपलब्ध छ । EV प्लेटफर्ममा निर्माण गरिएको यो गाडीमा विश्वकै सबैभन्दा पातलो ब्याट्री प्रयोग गरिएको छ, जसले सन्तुलन र स्थिरता सुधार गर्छ। रियर-व्हील ड्राइभ, फाइभ-लिंक इनडिपेन्डेन्ट सस्पेन्सन, र अत्याधुनिक इन्जिनियरिङले ड्राइभिङ अनुभवलाई अझ सहज बनाएको छ। 

MG S5 EV मा १२.८ इञ्चको टचस्क्रिन इन्फोटेनमेन्ट सिस्टम र १०.२५ इञ्चको डिजिटल इन्स्ट्रुमेन्ट क्लस्टर रहेको छ। अगाडि र पछाडि दुबै सिटमा ९९७ मिमि हेडरुम, ४५३ लिटर बुट स्पेस, र ढोका प्यानलमा राख्न मिल्ने स्पेसले यात्रुलाई अधिक आरामदायी बनाउँछ।

MG Motors Nepal ले MG S5 EV दिगो, सुरक्षित र स्मार्ट यातायातको दृष्टिकोण भएकाे बताएकाे छ । यो केवल अर्को EV मात्र नभएर नेपालको EV क्रान्तिमा गेम चेन्जर भएकाे दावी कम्पनीकाे छ । 

सस्टेनेबिलिटीलाई केन्द्रमा राख्दै, MG Motors Nepal ले विद्युतीय गाडीको क्षेत्रमा आफ्नो नेतृत्वलाई निरन्तर अघि बढाइरहेको छ।