समाज

पूर्वराष्ट्रपति विद्यादेवी भण्डारीको अभिव्यक्तिमा जगमान गुरुङको आपत्ति, भन्छन्–म कसैले उचालेर उचालिने र पछारेर पछारिने मान्छे होइन

सिधाकुरा

मंगलबार, वैशाख २, २०८२

पूर्वराष्ट्रपति विद्यादेवी भण्डारीको अभिव्यक्तिमा जगमान गुरुङको आपत्ति, भन्छन्–म कसैले उचालेर उचालिने र पछारेर पछारिने मान्छे होइन

काठमाडौँ । राजसंस्था पुनर्स्थापनाका लागि संयुक्त जनआन्दोलन समितिका संयोजक डा. जगमान गुरुङले आफू कसैले उचालेर उचालिने र पछारेर पछारिने मान्छे नभएको बताएका छन् । मंगलबार सामाजिक सञ्जाल फेसबुकमा एक स्टाटस राख्दै गुरुङले आफूलाई पूर्वराष्ट्रपति विद्यादेवी भण्डारीले समेत राजा उचाल्न पठाएको भन्ने अभिव्यक्ति देखेको भन्दै टिप्पणी गरेका हुन् ।

Watch On

त्यस्तै उनले आफ्नो नाम र फोटो समेत राखेर ‘राजाको राज्याभिषेक गर्न आउनोस्’ भन्दै दुष्प्रचार गरिएको भन्दै त्यसको खण्डन समेत गरेका छन् ।‘पूर्व राष्ट्रपति विद्यादेवी भण्डारीले जगमान गुरुङलाई राजा उचाल्न पठाएको भन्ने अभिव्यक्ति पनि देखेँ। म कसैले उचालेर उचालिनी र पछारेर पछारिनी मान्छे होइन।मेरै नाम र फोटो राखेर वैशाख २२ गते श्री ५ ज्ञानेन्द्रको राज्याभिषेक गर्न आउनोस् भनेर पोस्ट गरेको पनि देखेँ।’, उनले फेसबुकमा लेखेका छन्, ‘उत्ताउलो कुकुर संसाँझै भुक्छ भने जस्तै म त्यस्तो उत्ताउलो काम कुरा गर्ने मान्छे पनि होइन।त्यसकारण मैले त्यस प्रकारको आह्वान गरेको पनि छैन।परी आएको खण्डमा म स्वयंले श्रव्य दृश्य माध्यमबाट आह्वान गर्ने छु।’