समाज

गरिमा विकास बैंकद्वारा हरिशयनी एकादशीमा वृक्षारोपण, ६ स्थानमा बर–पिपल रोपियो

सिधाकुरा

बिहीबार, असार २६, २०८२

गरिमा विकास बैंकद्वारा हरिशयनी एकादशीमा वृक्षारोपण, ६ स्थानमा बर–पिपल रोपियो

काठमाडौँ । गरिमा विकास बैंक लिमिटेडले हरिशयनी एकादशीको अवसरमा देशका विभिन्न ६ स्थानमा वृक्षारोपण कार्यक्रम सम्पन्न गरेको छ। आइतबार (२०८२ असार २२ गते) सम्पन्न उक्त कार्यक्रम बैंकको संस्थागत सामाजिक उत्तरदायित्व अन्तर्गत आयोजना गरिएको हो।

Watch On

धार्मिक र वातावरणीय दृष्टिले महत्वपूर्ण मानिने बर र पिपलका बिरुवाहरू कास्कीको खोरपाथे डाँडा र तुलसीघाट, स्याङ्जाको गह्रौ कालिका मन्दिर परिसर, शितलटार पार्क चापाकोट, छायाँक्षेत्र शिवमन्दिर परिसर र दाङको मोतिपुर पुल क्षेत्रमा रोपिएको हो।

वृक्षारोपण कार्यक्रममा बैंकका अध्यक्ष, पूर्व अध्यक्ष, स्थानीय जनप्रतिनिधि, समाजसेवी, कर्मचारी, शेयरधनी तथा सर्वसाधारणको उल्लेखनीय उपस्थिति थियो।

गरिमा विकास बैंकले यस्तो कार्यक्रमले वातावरणीय सन्तुलन, हरित विकास, धार्मिक सम्पदा संरक्षण र भावी पुस्तालाई स्वच्छ वातावरण हस्तान्तरण गर्न टेवा पुग्ने विश्वास लिएको जनाएको छ। वृक्षारोपण भएका क्षेत्रलाई ‘बर–पिपल चौतारी’को रूपमा विकास गरिने लक्ष्य समेत बैंकले लिएको छ।

बैंकले सामाजिक उत्तरदायित्व बोक्ने उद्देश्यका साथ यस्ता कार्यक्रमलाई निरन्तरता दिँदै आएको बताएको छ।

प्रकाशित मिति: बिहीबार, असार २६, २०८२

प्रतिक्रिया दिनुहोस्