रिद्धि सिद्धि सिमेन्टद्वारा “मकवानपुर स्मार्ट स्टुडेन्ट अफ द इयर २०८२” छात्रवृत्ति कार्यक्रम सम्पन्न

मकवानपुर | रिद्धि सिद्धि सिमेन्ट लिमिटेडले आफ्नो व्यावसायिक सामाजिक उत्तरदायित्व (CSR) अन्तर्गत मकवानपुर जिल्लामा तेस्रो पटक आयोजना गरेको “मकवानपुर स्मार्ट स्टुडेन्ट अफ द इयर २०८२” छात्रवृत्ति कार्यक्रम सफलता पूर्वक सम्पन्न गरेको छ।

पिप्ले रंगशालामा आयोजित उक्त कार्यक्रममा जिल्लाभरिका १८७ जना विद्यार्थीहरू सहभागी भएका थिए। कार्यक्रममा लिखित परीक्षा तथा दौड प्रतियोगिता गरी छात्रवृत्ति प्रदान गरिन्थ्यो। प्रतियोगितामा उत्कृष्ट प्रदर्शन गर्ने तथा यस वर्षको एसईई परीक्षामा ४.० जीपीए ल्याउने चार जना विद्यार्थीहरू—अनुषा उप्रेती, अस्मिता घिमिरे, अनुप्रस्था देवकोटा र बिमर्श श्रेष्ठलाई नगद रु ५,००१।– का दरले छात्रवृत्ति प्रदान गरिएको थियो।

कार्यक्रम जिल्ला प्रशासन कार्यालय मकवानपुरका प्रमुख प्रशासकीय अधिकृत श्री गुणराज प्रसाद न्यौपानेको प्रमुख आतिथ्यतामा सम्पन्न भएको हो। कार्यक्रममा विभिन्न विद्यालयहरू—बाल जागृति इंग्लिश बोर्डिङ्ग स्कूल, नवोदय शिशु सदन, श्री बाल ज्योति सेकेन्डरी स्कूल र सोलिडारिटी इन्टरनेशनल एकेडेमी—का प्रतिनिधिहरूलाई पनि सम्मान गरिएको थियो।

साथै, कार्यक्रम सफल बनाउन सहयोग गर्ने मकवानपुर जिल्ला प्रहरी कार्यालय, शिक्षा विकास तथा समन्वय इकाई, शिक्षा विकास महाशाखा, सन्चो अस्पताल, पिप्ले युवा क्लब, हेटौंडा उपमहानगरपालिका वडा नं. ५ लगायत विभिन्न सरकारी तथा गैरसरकारी संस्थाहरूलाई प्रमाणपत्रसहित कृतज्ञता अर्पण गर्दै सम्मान गरिएको थियो।

कार्यक्रममा विद्यार्थी, शिक्षक, विद्यालय प्रधानाध्यापक, अभिभावक तथा विभिन्न शैक्षिक संघसंस्थाका प्रतिनिधिहरूको उल्लेखनीय उपस्थिति रहेको थियो। रिद्धि सिद्धि सिमेन्ट लिमिटेडले प्रतियोगिताका विजयी विद्यार्थीहरूलाई एक वर्षसम्म मासिक रूपमा छात्रवृत्ति उपलब्ध गराउने व्यवस्था गरेको छ।
छात्रवृत्ति विवरण यसप्रकार छः

प्रथम स्थान: रु ५,०००।– प्रति महिना

द्वितीय स्थान: रु ३,५००।– प्रति महिना

तृतीय स्थान: रु २,५००।– प्रति महिना

सान्त्वना छात्रवृत्तिः थप १२ जना विद्यार्थीलाई रु १,५००।– प्रति महिना

कार्यक्रममा सहभागी विद्यार्थीहरूको नतिजा कम्पनीको आधिकारिक वेबसाइट www.riddhisiddhicements.com र फेसबुक पेज facebook.com/RiddhiSiddhicements मा सार्वजनिक गरिनेछ।