मुख्य समाचार

‘अमेरिकासँग डराएर विज्ञप्तिमा कर्मचारीको नाम नलेखिएको होइन’

सिधाकुरा

शुक्रबार, भदौ २०, २०८२

‘अमेरिकासँग डराएर विज्ञप्तिमा कर्मचारीको नाम नलेखिएको होइन’

काठमाडौँ । सञ्चार तथा सूचना प्रविधि मन्त्रालयले सामाजिक सञ्जाल बन्दको निर्णय गर्न सरकार कुनै पनि शक्ति राष्ट्रसँग नझुकेको स्पष्ट पारेको छ । बिहीबार सञ्चार मन्त्रालयले अमेरिकी कम्पनी मेटाका फेसबुक, इन्स्टा तथा एक्स र युटुवसहितका २६ वटा सामाजिक सञ्जाल बन्द गर्ने निर्णय गरेको थियो ।

सामाजिक सञ्जाल बन्द गर्न दूरसञ्चार प्राधिकरणलाई निर्देशन दिन सञ्चार मन्त्रालयबाट भएको उक्त निर्णयमा कुनै पनि अधिकारीको आधिकारीक हस्ताक्षर थिएन । मन्त्रालयको छाप मात्रै भएको उक्त निर्णयलाई कतिपयले अमेरिकाको भिसा नीतिसँग मन्त्रालय डराएको अर्थमा जोडेर चर्चा गरेका थिए । अमेरिकाले आफ्नो देशको कुनै पनि कम्पनी वा समाजिक सञ्जाल वा माध्यामलाई हानी गर्ने, रोक्ने वा छेक्नेलाई प्रवेशाज्ञा नदिने घोषणा गरेको छ ।

सरकारले शुुक्रबार बन्द गरेका मध्ये प्रमुख चल्तीका झण्डै आधा दर्जन सामाजिक सञ्जाल अमेरिकी कम्पनीका छन् । फेसबुुक, इन्स्टा, म्यासेन्जर, ह्वाट्सएपको माउ कम्पनी मेटा, एक्स, युुटुुव लगायतका प्लेटफर्म अमेरिकी कम्पनी हो ।

सामाजिवक सञ्जाल नेपालमा दर्ता हुनुुपर्छ भन्ने सरकारको मान्यता र निर्णयमा मन्त्रालय दृढ रहेको र कसैसँग पनि डराएको भन्ने कुरा सहि नभएको मन्त्रालयका प्रवक्ता गजेन्द्र ठाकुरले बताए ।

‘अमेरिकाको भिसा नीतिसँग डराएर सामाजिक सञ्जाल बन्द गर्ने निर्णयामा आधिकारीक अधिकारीको नाम नलेखिएको कुरा सहि होइन’ प्रवक्ता ठाकुरले भने,‘सधै यसैगरी सूचना प्रशारण गर्ने गरिन्छ । मन्त्रालयको आधिकारीक छाप भएपछि भइहाल्यो नी ।’

यस्ताे छ सूचना: