समाज

जेन–जी आन्दोलनः देशभर १९ जनाको मृत्यु, ३४७ जना घाइते

सिधाकुरा

सोमबार, भदौ २३, २०८२

जेन–जी आन्दोलनः देशभर १९ जनाको मृत्यु, ३४७ जना घाइते

काठमाडौँ । सोमबार काठमाडौँमा भएको जेन–जी आन्दोलनमा १९ जनाले ज्यान गुमाएका छन् । देशभर दिनभरको घटनामा भएको हताहतिबारे एक विवरण जारी गर्दै स्वास्थ्य तथा जनसंख्या मन्त्रालयले यस्तो जानकारी दिएको हो ।

Watch On

आन्दोलनमा ३४७ जना घाइते भएका छन् । यो विवरण साँझ ६ बजेसम्मको हो ।

जसअनुसार सिभिल अस्पताल नयाँ बानेश्वरमा १ सय जना घाइतेको उपचार भइरहेको छ । सिभिलमा ३ जना प्रदर्शनकारीको मृत्यु भएको विवरण सिधाकुरालाई प्राप्त छ ।

एभरेष्ट अस्पताल नयाँ बानेश्वरमा ३ जनाको मृत्यु भएको छ भने १ सय २ जना घाइते उपचाररत छन् । जसमध्ये ८ जनालाई रिफर गरिएको अस्पतालले जनाएको छ ।

राष्ट्रिय ट्रमा सेन्टर भोटाहिटीमा ८ जना प्रदर्शनकारीको मृत्यु भएको छ । त्यहाँ ५९ जना घाइतेको उपचार चलिरेहेको छ ।

त्यस्तै काठमाडौँ मेडिकल कलेजमा २ जनाको मत्यु भएको छ भने ३७ जना घाइतेको उपचार जारी छ ।

टिचिङ अस्पतालमा १ जनाको मृत्यु भएको छ भने १८ जना घाइते उपचाररत छन् ।

धरानस्थित बिपी कोइराला स्वास्थ्य विज्ञान प्रतिष्ठानमा २ जनाको मृत्यु भएको छ भने ४ जना घाइते उपचाररत छन् ।

झापाको दमक अस्पतालमा ७ र विराट मेडिकल कलेजमा ४ जनाको उपचार भइरहेको छ ।
गण्डकी मेडिकल कलेजमा १ र पोखरा स्वास्थ्य विज्ञान प्रतिष्ठानमा २ जनाको उपचार भइरहेको छ ।

प्रकाशित मिति: सोमबार, भदौ २३, २०८२

प्रतिक्रिया दिनुहोस्