वाइडबढी देखि नक्कली भुटानी शरणार्थी काण्डमा जोडिएका अख्तियार प्रमुख राईले राजीनामा दिनुको विकल्प छैन: जेनजी अभियन्ता

काठमाडौँ । जेनजी अभियन्ताहरुले अख्तियार दुरुपयोग अनुसन्धान आयोगमै पुगेर प्रमुख आयुक्त प्रेमकुमार राईलाई राजीनामाकालागि दबाब दिएका छन् । 

Watch On

मंगलबार बिहान अख्तियार परिसरमा भेला भएका जेनजी युवाहरूले राई लगायतको नियुक्ति निरङ्कुश ढङ्गले भएकाले  भ्रष्टाचार नियन्त्रणमा राईको भूमिका निष्पक्ष नहुने भन्दै राजीनामा माग गरेका हुन् । उनीहरूले राईको नाममा वाइडबडीमा भएको भ्रष्टाचारमा राई मुछिएको तथा यो मुद्दाको अनुसन्धानमा समेत राई र अख्तियारमाथि प्रश्न उठेकाले भ्रष्टाचार नियन्त्रणमा निष्पक्ष भूमिका खेल्न नसक्ने बताएका छन् । 

अख्तियार प्रमुखसहित सबै आयुक्तहरुको राजीनामा माग गर्दै अख्तियारमै निवेदन दर्ता

जेनजी अभियन्ताहरू अमित खनाल, रिजन  रानामगर, पेमा वाङ्मो लामा र मोनिका लगायतको युवाहरू अख्तियार पुगेका थिए । उनीहरूले जेनजी आन्दोलनका मुख्य माग नै भ्रष्टाचार र दण्डहीनताको अन्त्य भएकाले आयोगकै प्रमुख आयुक्त भ्रष्टाचारमा मुछिएको, असंवैधानिक तरीकारले नियुक्त गरिएको तथा भ्रष्टाचारका फाइलमा निष्पक्ष अनुसन्धान नगरेकाले प्रेम राईले जेनजी आन्दोलनको भावना बुझेर आफै राजीनामा दिनु पर्ने बताए । 

वाइडबढी काण्ड, भुटानी शरणार्थी काण्डमा स्पष्टरुपमा नाम जोडिएका व्यक्ती प्रमुख आयुक्तकारुपमा रहने कुरा अनैतिक भएकाले उनले नैतिकताका आधारमा राजीनामा दिनु पर्ने बताए । राईले राजीनामा नदिएको खण्डमा थप योजना बनाएर आन्दोलनका बारेमा सोच्ने उनीहरूको भनाई  छ ।