IAA MOBILITY 2025 मा सेरेस पावरको Super Range-Extender System सार्वजनिक, विश्व विकासतर्फ नयाँ कदम

काठमाडाैँ । सेरेस पावरले IAA MOBILITY 2025 मा आफ्नो नवीनतम Super Range-Extender System, उच्च दक्षतायुक्त इन्जिन प्रविधि र नयाँ पुस्ताको distributed e-Drive system को ग्लोबल शुभारम्भ गरेको छ। यो प्रविधि सार्वजनिक गर्ने कार्यक्रममा AVL, Bosch, Mahle, Schaeffler, Valeo, Stellantis, Mubea, Infineon लगायतका ६० भन्दा बढी कम्पनीका प्रतिनिधि र अन्तर्राष्ट्रिय मिडियाहरूको सहभागिता रहेको थियो । यस अवसरलाई उपयोग गर्दै सेरेस पावरले सप्लाई चेन पार्टनरहरूसँगको सहकार्यलाई अझ गहिरो बनाउने र विश्वव्यापी प्रयोगकर्ताहरूका लागि सुरक्षित, स्मार्ट र सुविधाजनक मोबिलिटी सोलुसन्स दिन निरन्तर काम गर्ने प्रतिबद्धता जनाएको छ।

Watch On

सेरेसका अनुसार नयाँ पुस्ताको Super Range-Extender System Saiyi (C2E) Range-Extender Architecture र RoboREX Intelligent Control Technology मा आधारित छ ।  जसमा तीन प्रमुख विशेषता रहेका छन् । 
शान्त, हाइ-एण्ड इन्टिग्रेसन र अति दक्ष C2E आर्किटेक्चरले अल-इन-वान डिजाइन अवधारणालाई अपनाएको छ । जसमा इन्जिन, मोटर, कन्ट्रोल सिस्टम र हाउजिङलाई गहन ढंगले एकीकृत गरिएको छ । जसले कम्प्याक्ट संरचना र लागत नियन्त्रणमा ठूलो सहयोग पुर्‍याउँछ। RoboREX ले परम्परागत range-extender को अपरेटिंग मोडलाई प्यासिभबाट एक्टिभमा बदलेर इन्टेलिजेन्ट एक्टिभ इनर्जी म्यानेजमेन्ट प्रणालीमा रूपान्तरण गरेको छ ।

दक्षताका हिसाबले इन्धन खपत १५% ले घटाइएको छ, आवाज महसुस ९०% ले कम भएको छ, वास्तविक दक्षता ३.६५ kWh/L पुगेको छ र अधिकतम थर्मल दक्षता ४४.८% पुगेको छ, जुन mass-produced range-extender मध्ये अग्रणी मानिन्छ।

नयाँ distributed e-drive प्रविधिले सुरक्षाको आनन्दसँगै ड्राइभिङ अनुभवलाई अझ सुधार गर्दछ। सेरेस सधैं “सेफ्टी इज अल्टिमेट लक्जरी” भन्ने कुरामा विश्वास गर्ने कम्पनीले जनाएकाे छ । यसै कारण सेरेस पावरले सक्रिय रुपमा डुअल-मोटर, थ्री-मोटर र फोर-मोटर समेत प्रयोग हुने distributed e-drive प्रणाली विकास गरिरहेको छ, जसले A क्लासदेखि D क्लाससम्मका गाडीका आवश्यकता पूरा गर्न सक्छ।

रिपोर्ट अनुसार, Range-extender प्रविधि प्रयोग भएका गाडीहरू उच्चस्तरीय लक्जरी चाहने ग्राहकहरूको प्रमुख रोजाइ बन्दै गएका छन्। यस्ता गाडीहरूले दिगो यात्रासँगै चार्जिङ वा दूरीको चिन्ता नगरी सुविधाजनक प्रयोगको अनुभव दिने बताइन्छ । Range-extender प्रविधिका अग्रणी सेरेसले हालसम्म ३,९०० भन्दा बढी पेटेन्ट दर्ता गरिसकेको छ र १०० भन्दा बढी अन्तर्राष्ट्रिय पुरस्कार जितिसकेको छ।

चीनमा सेरेस Super Range-Extender System व्यापक रूपमा प्रयोग भइरहेको छ । जसका कारण AITO ब्रान्डले उल्लेखनीय बिक्री सफलता हासिल गरेको छ। हालसम्म REEV AITO को बिक्री ७.५ लाख युनिट नाघिसकेको छ भने AITO 9 ले ५ लाख युआन सेगमेन्टको लक्जरी कार बजारमा अग्रता लिएको छ।

हाल सेरेसले २५ भन्दा बढी उद्योग साझेदारहरूसँग सहकार्य गरिरहेको छ। सन् २०२४ मा सेरेस पावरले ९.२ अर्ब युआनको वार्षिक आम्दानी गरेको छ । जुन गत वर्षभन्दा १३२% ले बढी हो। यस अवधिमा यसको पावरट्रेन बिक्री ६ लाख युनिट नाघ्यो भने मोटर र इलेक्ट्रोनिक कन्ट्रोल उत्पादन ९ लाख युनिटभन्दा बढी पुगेका छन्।

नेपालमा चार्जिङ पूर्वाधारको अभाव र उच्च प्रारम्भिक लागतका कारण विद्युतीय सवारीसाधनको विस्तार ढिलो भइरहेको छ। यस्तो अवस्थामा सेरेस पावरको range-extender प्रणालीले नेपालका लागि पुलको भूमिका खेल्न सक्छ । जसले लामो यात्राको विश्वास दिलाउँछ र बिस्तारै चार्जिङ सञ्जाल विस्तार हुँदै जाँदा चालकहरूलाई सहज बनाउन सक्छ। नीति निर्माता र व्यवसायीहरूका लागि यो प्रविधि नेपालजस्ता देशमा विश्वस्तरीय सोलुसन्सलाई कसरी व्यवहारमा उतार्न सकिन्छ भन्ने संकेत हो ।