समाज

प्रधानमन्त्रीले बोलाएको सर्वपक्षीय बैठक: आयोग र सुरक्षा निकायले गर्ने छन् राजनीतिक दललाई बृफिङ

सिधाकुरा

शुक्रबार, मंसिर १९, २०८२

प्रधानमन्त्रीले बोलाएको सर्वपक्षीय बैठक: आयोग र सुरक्षा निकायले गर्ने छन् राजनीतिक दललाई बृफिङ

File photo

काठमाडौँ । प्रधानमन्त्री सुशीला कार्कीले आज दिउँसो ४ बजेका लागि सर्वपक्षीय बैठक बोलाएकी छिन् । प्रधानमन्त्रीका प्रेस सल्लाहकार राम रावलका अनुसार आजको बैठकमा राजनीतिक दल सहित निर्वाचन आयोगका आयुक्त, सुरक्षा निकायका अधिकारी तथा जेनजी प्रतिनिधिहरू पनि सहभागी हुँदै छन् ।
बैठकमा सरकारले फागुन २१ को निर्वाचनको तयारीका विषयमा बृफिङ गर्ने छ । त्यसपछि निर्वाचन आयोगका आयुक्तहरुले निर्वाचनका विषयमा पछिल्लो समय भैरहेका बहसका विषयमा आयोगको अवस्था जानकारी गराउने छन् । मुख्यतः राष्ट्रिय सभाको निर्वाचन, प्रतिनिधिसभाको निर्वाचन, चुनावको तयारी, कानुनी जटिलता, स्रोतसाधनको उपलब्धता, सुरक्षा चुनौती र आर्थिक अवस्थाबारे बृफिङ गर्न छन् । साथै अहिले चरणबद्ध निर्वाचन, बेजिल्ला मतदान, विदेशबाट मतदान लगायतका विषयमा चर्चामा छन् । यी विषयहरुमा आयोगको क्षमता र तयारी बृफिङ हुने छ ।
यस्तै केहि राजनीतिक दलहरुले निर्वाचनका सुरक्षा चुनौतीको विषय उठाएकाले सुरक्षा निकायका उच्च अधिकारीहरुले नै अहिलेको सुरक्षा अवस्था बारे बृफिङ गर्ने छन् ।
आजको बैठकमा माघ ११ गते हुने राष्ट्रिय सभाका निर्वाचन र फागनु २१ का लागि तय भएको प्रतिनिधिसभाको निर्वाचन माथि केन्द्रीत हुने रावलले जानकारी दिए ।