हेटाै‌डा । शनिबारबाट शुरु भएको हेटौंडा बजारको सडक विस्तार कार्य आउँदो मंसिर २६ गते शुक्रबारसम्मको लागि स्थगन भएको छ । सडक डिभिजन कार्यालय हेटौंडाले आज पत्रकार सम्मेलन गर्दै सर्वोच्च अदालतले गत मंसिर ५ गते जारी गरिएको सूचना र सो सूचनाको आधारमा गरिएको सडक विस्तार कार्यको सन्दर्भमा अल्पकालिन आदेश दिएकाले २६ गतेसम्मको लागि स्थगन गरिएको जनाएको छ ।

सडक डिभिजन कार्यालयले सर्वोच्च अदालतकै २०८० पुष १७ गतेको न्यायाधीश सुनिलकुमार पोखरेलको आदेशले सडकको दायाँबायाँ २५÷२५ गज सडक सीमा रहेको व्याख्या अनुरुप शुक्रबारबाट सडक विस्तार कार्य अघि बढाएको थियो । 

सडक डिभिजनले गत मंसिर ५ गते जारी गरेको सूचनाको विरुद्धमा गत मंसिरमा १६ गते दायर गरेको रिटमाथि गत मंसिर १९ गते शुक्रबार न्यायाधीश मेघराज पोखरेलको एकल इजलासले सुनुवाइ गर्दै अल्पकालीन अन्तरिम आदेश दिएको थियो । तर शुक्रबारको आदेश आइतबार मात्रै आधिकारिक रुपमा आएकाले हिजो शनिबार सडक विस्तार कार्य भएको थियो । 
शुक्रबारको अल्पकालिन आदेशको पत्र छ

अदालतले मंसिर २६ गते अन्तरिम आदेशका विषयमा दुवै पक्षलाई छलफलका लागि उपस्थित गरेको आदेशको पत्र आइतबार १२ बजेर ४६ मिनेटमा सडक डिभिजन कार्यालय हेटौंडामा म्याद तामेल दर्ता भएपछि विस्तारको कार्य स्थगन गरिएको हो । आउँदो २६ गतेको छलफलपछि आएको आदेश अनुसार हुने सडक सिडभिजन कार्यालय हेटौंडाका प्रमुख गुरुप्रसाद अधिकारीले बताएका छन् ।  

सर्वोच्चको अल्पकालिन पत्र कार्यालयमा आधिकारिक रुपमा नआएकाले हिजो शनिबार करिब ७ किलोमिटर क्षेत्रमा घरटहरा भत्काउने कार्य भएको थियो । तथ्यांक अनुसार हेटौंडा बजार क्षेत्रको ९.५ किलोमिटर क्षेत्रमा ५३१ घरटहरा २५ गजभित्र निर्माण भएका छन् । घरधनीहरुले घरटहरा हटाउने भए मुआब्जा क्षतिपूर्ति दिनुपर्ने माग गर्दै आएका छन् । 

सम्बन्धित समाचार:

विहान ५ बजे किन चल्यो हेटौंडाका घर टहरामा डोजर ?