एमाले महाधिवेशन बन्दसत्र ३ बजेदेखि सुरु हुने, यस्तो बन्दैछ केन्द्रीकमिटि

काठमाडौँ । नेकपा एमालेको ११औं महाधिवेशनको बन्दसत्रको समय पुनः सारिएको छ । काठमाडौँको भृकुटीमण्डपमा आइतबार बिहानैदेखि सुरु हुने भनिएको महाधिवेशनको बन्दसत्र दिउँसो तीन बजेलाई सारिएको हो ।

Watch On

बन्दसत्र सुरु हुनुअघि केन्द्रीय कमिटी बैठक बसेको थियो । बैठकले विधान महाधिवेशनको निर्णय उल्ट्याउदै केन्द्रीय सदस्यको संख्या बढाउने र स्थायी कमिटी रहने गरी संशोधन गरेको जनाइएको छ ।

पदाधिकारीमा सबै पहिलेकै हुने थप सचिवालय पदाधिकारहरु १९ जना थपिने र त्यसमा अध्यक्ष एकजना उपाध्यक्ष पाच जना ९ जना सचिवालय सदस्य रहने भन्दै केपि शर्मा ओलि बाट केन्द्रीय बैठक समापन भएको छ ।

नेकपा एमालेको जारी केन्द्रीय कमिटी बैठकमा अध्यक्ष केपी शर्मा ओलीले पेस गरेको पदाधिकारी सङ्ख्या १९ सदस्यीय बनाउने प्रस्ताव पारित भएको हो ।

जसमा अध्यक्ष १, उपाध्यक्ष ५, महासचिव १, उपमहासचिव ३ र सचिव ९ गरी १९ सदस्यीय पदाधिकारी बनाउने ओलीको प्रस्ताव पारित भएको हो ।

त्यस्तै, स्थायी कमिटी ४५, पोलिटब्युरो ९९ सदस्यीय र केन्द्रीय कमिटी ३०१ सदस्सीय रहने निर्णय आजको बैठकले गरेको हो । विधान महाधिवेशनको निर्णय उल्याउँदै अध्यक्ष ओलीले पदाधिकारी सङ्ख्या बढाएका हुन् ।

यो प्रस्ताव महाधिवेशनबाट अनुमोदन भएपछि तुरुन्तै बस्ने बन्द सत्रमार्फत नेतृत्व चयन प्रक्रिया अगाडि बढाइने जनाइएको छ । त्यस्तै, महाधिवेशन सहभागि दुई हजार दुई सय ६२ जनाको मतादाता नामावली समेत सार्बजनिक गरिएको छ ।