सबै कुरा

उपप्रधानमन्त्री श्रेष्ठको मुटुमा समस्या, धमनीमा एन्जियोप्लास्टी सर्जरी गरियो

सिधाकुरा

बुधबार, मंसिर २०, २०८०

उपप्रधानमन्त्री श्रेष्ठको मुटुमा समस्या, धमनीमा एन्जियोप्लास्टी सर्जरी गरियो

काठमाडौं । उपप्रधानमन्त्री तथा गृहमन्त्री नारायणकाजी श्रेष्ठ अस्पताल भर्ना भएका छन् । मुटुमा फेरि समस्या देखिएपछि बाँसबारीस्थित शहीद गंगालाल राष्ट्रिय हृदय केन्द्र भर्ना भएका श्रेष्ठको आंशिक अवरोध रहेको मुटुको धमनीमा एन्जियोप्लास्टी सर्जरी गरिएको गृहमन्त्रालयले जनाएको छ ।

डा.अरुण मास्केसहितको चिकित्सक टोलीले एन्जियोप्लास्टी सर्जरी गरी अहिले आईसीयूमा उपचाररत रहेका श्रेष्ठको स्वास्थ्य अवस्था स्थिर रहेको अस्पताल स्रोतलाई उद्धृत गर्दै मन्त्रालयले जनाएको छ ।

मन्त्रालयद्वारा जारी विज्ञप्तिअनुसार गत कात्तिक १ मा चीनमा हृदयघातपछि उपचारको क्रममा गरिएको स्वास्थ्य परीक्षणमै श्रेष्ठको मुटुको अर्कोपट्टी धमनीमा समेत केही अवरोध देखिएको थियो ।

तेस्रो बेल्ट एण्ड रोड फोरम फर इन्टरनेशनल कोअपरेसन (बीएफआर) मा सहभागी हुन बेइजिङ पुगेका बेला उपप्रधानमन्त्री श्रेष्ठलाई यही कात्तिक १ गते हृदयघात भएको थियो । उनको छातीमा ‘स्टेन्ट’ राखिएको छ ।

यस्तै प्रधानमन्त्री पुष्पकमल दाहाल प्रचण्डले श्रेष्ठलाई भेटेर स्वास्थ्य अवस्थाबारे जानकारी लिएका छन् । आज बिहान शहीद गंगालाल राष्ट्रिय हृदय केन्द्र बाँसबारी पुगेर प्रधानमन्त्री प्रचण्डले मन्त्री श्रेष्ठको स्वास्थ्य अवस्थाबारे जानकारी लिएका हुन् ।

प्रकाशित मिति: बुधबार, मंसिर २०, २०८०

प्रतिक्रिया दिनुहोस्