अबको बैकल्पिक शक्ति रास्वपा नै हो , बालेनलाइ पनि मिल्नको लागि भन्छुः प्रदिप खड्का

काठमाडौँ । कलाकार प्रदीप खड्काले रास्वपा सभापति रवि लामिछानेसँग भेट गरेका छन् । उनले नख्खु कारगारमा लामिछानेसँग भेट गरेका हुन् । उनले आफ्नो रवि लामिछानेसँग पुरानो सम्बन्ध रहेकोले भेट गर्नको लागि आएको बताए । 

भेटपनि सञ्चारकर्मीलाई प्रतिक्रिया दिदै पुरानो सरकारले कुदृष्टि राखेको आफ्नो मना परेको बताए । ‘फिल्म क्षेत्रमा पनि अन्याय अत्याचार हुँदा आवाज उठाउनुपर्छ । लोकतान्त्रिक देशको नागरिकले आफ्नो भनाई राख्न पाउनुपर्छ भन्ने धारणा बोक्ने मान्छे हो म । एउटा व्यक्तिमाथि पुरानो सकारले कुदृश्टी नै राखेर कार्य गरिरहेको हो कि भनेर मनमा परिरहेको थियो ।’ उनले भने, ‘नयाँ सरकार आएपछि न्याय पाइन्छ होला भन्ने लागिरहेको थियो । नयाँ शक्ति भनेपनि जे भनेपनि जनताले विश्वास गरेको र प्रवल सम्भावना भएको रास्वपा एउटा शक्ति हो ।’ 

सो क्रममा उनले नयाँ सरकार आएपछि पनि न्यायको प्रक्रिया अघि नबढ्दा चिन्तित भएको बताए । ‘तीन महिनाको प्रगति हेर्दा म चिन्तित थिएँ । मलाई पनि यो अन्याय किन भइरहेको भनेर मनमा लागेको थियो । अनी भेट्न खोज्नुभएको छ भनेसी म भेट्न आएको हो ।’ 

उनले अहिलेको वैकल्पिक शक्ति रास्वपा भएको अन्य सबै शक्ति मिलेर अघि बढ्नुपर्नेमा जोड दिए । 'कुलमानसँग त मेरो चिनजान छैन । बालेनसँग चिनजान छ । अहिले उहाँलाई शोक परेको बेला यस्तो कुरा गर्नु उचित त नहोला तर परिआयो भने भेटेर मिल्नुस् तपाईँहरु भन्नसक्छु ।’ 

भेटमा लामिछानेले आफूलाई राजनीतिको खुला मैदानमा आउन आग्रह गरेको बताए । तर आफूले तत्काल त्यसबारे नसोचेको उल्लेख गरे । तर खुला राजनीतिमा आउनैपर्ने अवस्था बने आउने प्रतिक्रिया दिए ।