मुख्य समाचार

अवैध कफीको दाना सहित सीमा क्षेत्रबाट ट्याक्टर बरामद

सिधाकुरा

मंगलबार, पुस १, २०८२

अवैध कफीको दाना सहित सीमा क्षेत्रबाट ट्याक्टर बरामद

नवलपरासी । पश्चिम नवलपरासीमा ट्याक्टर सहित लाखौं मूल्य बराबरको अवैध कफीको दाना बरामद गरिएको छ । मंगलबार बिहान ४ः३० बजेको समयमा पश्चिम नवलपरासीको सरावल गाउँपालिका–७ गणेशपुर स्थित दशगजा क्षेत्रबाट कफीको दाना सहितको ट्याक्टर बरामद गरिएको हो ।

भारतबाट अवैध रुपमा भन्सार छलि नेपाल तर्फ ल्याउदै गरेको अवस्थामा २२ लाख ४४ हजार रुपैयाँ मूल्य बरावरको दुई हजार ४० किलोग्राम कफिको दाना (३४ बोरा प्रति वोरा ६० के.जी.) र सो कफीको दाना ढुवानीमा प्रयोग भएको लु ३ त ३२३६ नं. को ट्याक्टर बरामद गरिएको सशस्त्र प्रहरीले जनाएको छ ।

सशस्त्र प्रहरी वल नेपाल सीमा सुरक्षा गुल्म हेड क्वाटर हरपुरबाट सशस्त्र प्रहरी नायव निरीक्षक माधव प्रसाद घिमिरेको कमाण्डमा खटिएको मोवाइल गस्ती टोली र विओपि भुजहवाबाट सशस्त्र प्रहरी सहयक निरीक्षक महेन्द्र यादव अहिरको कमाण्डमा खटिएको संयूक्त टोलीले कफीको दाना सहितको ट्याक्टर बरामद गरेको हो ।

बेवारिसे अवस्थामा बरामद गरिएको कफीको दाना र ट्याक्टर जिल्लाको महेशपुर भन्सार कार्यालयलाई बुझाइएको र थप आवश्यक अनुसन्धान भइरहेको सशस्त्र प्रहरी बल २६ नम्बर गण बेलासपुरका सुचना अधिकारी सशस्त्र प्रहरी नायब उपरिक्षक गोबिन्द बहादुर केसिले जानकारी दिए ।

प्रकाशित मिति: मंगलबार, पुस १, २०८२

प्रतिक्रिया दिनुहोस्