सद्भाव खल्बलीन नदिन वीरगञ्जमा बेलुका ६ बजेसम्म निषेधाज्ञा थप

काठमाडौँ । पर्साको वीरगञ्जमा जारी कर्फ्यू आज साँझ ६ बजेसम्म लम्बिएको छ । दुई समुदायबीच चर्किएको विवादले उग्ररुप लिन थालेपछि सम्भावित दुर्घटनालाई मध्येनजर गर्दै जिल्ला प्रशासन कार्यालय पर्साले सोमबार विरगञ्जमा निषेधाज्ञा लागुगरेको थियो ।

त्यसयता सोमबारदेखि पर्सा प्रशासनले पटकपटक गरी निषेधाज्ञाको समय थप गर्दै आएको छ । मंगलबार बिहान ८ बजेसम्म लागु गरिएको निषेधाज्ञा पुनः दिउँसो १ बजेसम्म थपिएकोमा फेरी मंगलबार ६ बजेसम्मका लागि निषेधाज्ञा थप गरीएको जनाइएको छ ।

वीरगञ्ज । जिल्ला प्रशासन कार्यालयले मंगलबार बिहान ८ः०० बजेदेखि दिउँसो १ः०० बजेसम्मका लागि कर्फ्यू  आदेश थप गरेको छ । प्रशासनले सोमबार बेलुका ६ः०० बजेदेखि मङ्गलबार बिहानसम्म कफ्र्यु आदेश जारी गरेको थियो । स्थानीय प्रशासनले पूर्वमा बसपार्क, पश्चिममा सिर्सियापुल, उत्तरमा पावरहाउस चोक र दक्षिणमा शङ्कराचार्य गेट क्षेत्रमा कुनै पनि प्रकारको सभा, सम्मेलन, जुलुस तथा धर्ना गर्न नपाइने जनाएको छ ।

प्रजिअ दाहालले कफ्र्युका बेलामा सुरक्षाकर्मीले देख्नेबित्तिकै गोली हान्न सक्ने भएकाले अत्यावश्यकबाहेक घर बाहिर ननिस्किन र निस्कनु पर्दा नजिकको सुरक्षाकर्मीसँग समन्वय गरेर मात्र निस्कनका लागि अनुरोध गरेका छन् । कफ्र्यु आदेश अवधिमा अत्यावश्यक सेवाका सवारीसाधन भने चल्न पाउने प्रशासनले जनाएको छ ।