काँग्रेस विशेष महाधिवेशन पक्षधरले सार्वजनिक गर्‍यो कार्य तालिका

काठमाडौँ । महाधिवेशनको विषयलाई लिएर काँग्रेसभित्र उत्पन्न विवादकाबीचमा महाधिवेशन पक्षधरले विशेष महाधिवेशनको आह्वान गरेको छ । बुधबार पत्रकार सम्मेलनको आयोजन गर्दै महाधिवेशन पक्षधरले विशेष महाधिवेशनको आह्वान गरेको हो ।

Watch On

यही पुस २७ र २८ गते विशेष महाधिवेशन गरिने विशेष महाधिवेशन सञ्चार तथा प्रचार प्रसार समितिले जनाएको छ । पार्टीले यसअघि २०८२ पौष २८ भित्र १५ औं महाधिवेशन सम्पन्न गर्ने कार्यतालिका सार्वजनिक समेत गरेको थियो । तर, तोकिएको समयमा १५ औं महाधिवेशन सम्पन्न हुन नसक्ने देखेपछि महाधिवेशन तोकिएकै मितिमा गर्नुपर्ने दबाब बढ्दै गैइरहेको थियो ।

बुधबार विशेष महाधिवेशन पक्षधरले विज्ञप्ति जारी गर्दै पार्टीको विशेष महाधिवेशनको आह्वान गरेको हो । महाधिवेशन सफल पार्नका लागि आवश्यक विभिन्न १८ वटा समितिहरु समेत गठन गरिएको महाधिवेशन पक्षधरले जनाएको छ । काठमाडौँमा हुने विशेष महाधिवेशनमा सम्पूर्ण केन्द्रीय महाधिवेशन प्रतिनिधिहरूको उत्साहपूर्ण सहभागिता रहने विशेष महाधिवेशन पक्षधरले जनाएको छ ।

त्यस्तै, पार्टीको नियमित महाधिवेशनको कार्यतालिका प्रभावित भएकाले अब विशेष महाधिवेशनको विकल्प नभएको महामन्त्रीद्वय थापा र शर्मा पक्षधरको भनाई छ । तर पार्टीः सभापति शेरबहादुर देउवा पक्षधरले फागुन २१ को प्रतिनिधि सभा निर्वाचन अगाडि विशेष महाधिवेशन गर्न नसकिने अडान लिएका छन् ।