बब्लु गुप्तालाई आमन्त्रण गरिएको छैन, हाम्रो संस्थाको नाममा मानव तस्करी भएको विश्वसनीय जानकारी छः एनआरएनए अमेरिका

काठमाडौँ । गैर आवासीय नेपाली संघ, राष्ट्रिय समन्वय परिषद् अमेरिकाले युवा तथा खेलकुद मन्त्री बब्लु गुप्तालाई अमेरिकामा कुनै पनि कार्यक्रमको लागि आमन्त्रण नगरेको जनाएको छ ।

Watch On

संस्थाले एक विज्ञप्ती जारी गर्दै आफ्नो संस्थाको नाममा अनधिकृत कार्यक्रम सञ्चालन, मानव तस्करीजस्ता गम्भीर गैरकानुनी गतिविधिहरु भइरहेको भन्ने विश्वसनीय जानकारी प्राप्त भएको संस्थाले जनाएको छ । 

‘गैरआवासीय नेपाली संघ अमेरिका (NRNA NCC USA) को नाममा अनधिकृत कार्यक्रम सज्चालन, मानव तस्करीजस्ता गम्भीर गैरकानुनी गतिविधिहरू भइरहेको भन्ने विश्वसनीय जानकारी प्राप्त भएको छ । यस्ता गतिविधिहरू NRNA NCC USA को जानकारी, स्वीकृति तथा आधिकारिक निर्णय बिना केही व्यक्ति वा समूहहरूले संस्थाको नाम, भ्क्ष्ल् नम्बर तथा वेबसाइटको दुरुपयोग गरी सज्चालन गरिरहेका छन्।’ विज्ञप्तीमा भनिएको छ । 

गैर आवासीय नेपाली संघ, राष्ट्रिय समन्वय परिषद् अमेरिकामा कानुनी रुपमा दर्ता भएको र संस्थाको नाम, इआइएन तथा डिजिटल पहिचानको दुरुपयोग हुँदा गम्भीर कानुनी, आर्थिक तथा प्रतिष्ठाको जोखिम उत्पन्न हुन सक्ने भएकाले विज्ञप्तीमार्फत धारण सार्वजनिक गर्न भएको बताइएको छ । 

विज्ञप्तीमा उक्त संस्थाबाट आधिकारिक रुपमा खेलकुद मन्त्रीलाई कुनैपनि कार्यक्रममा आमन्त्रण नगरिएको प्रस्ट पारिएको छ । विज्ञप्तीमा भनिएको छ, ‘नेपाल सरकारका युवा तथा खेलकुद मन्त्री माननीय बब्लु गुप्तालाई अमेरिकामा कुनै पनि कार्यक्रमका लागि आमन्त्रण गरेको छैन भन्ने कुरा स्पष्ट रूपमा जानकारी गराउन चाहन्छौं। साथै, NRNA NCC USA को तर्फबाट अमेरिकामा कुनै पनि युवा सम्बन्धी कार्यक्रम आयोजना गरिएको छैन।’ 

संस्थाले नाम र पहिचानको दुरुपयोग गर्ने व्यक्ति वा समूहविरुद्ध आवश्यक कानुनी कारबाही प्रक्रिया अघि बढाइने बताएको छ ।