नेभिगेशन
समाज

रौतहट घटना प्रति दुःख व्यक्त गर्दै रास्वपाले भन्यो, ‘ पीडिको न्यायको लागि कुनै कसर बाँकी राख्दैनौं’

काठमाडौँ । राष्ट्रिय स्वतन्त्र पार्टी रास्वपाले आफ्ना उम्मेदवारको चुनावी अभियानका क्रममा प्रयोग भएको सवारी साधनको ठक्करबाट बालिकाको मृत्यु भएको विषयमा दुःख व्यक्त गरेको छ । बिहीबार पार्टीका उम्मेदवारले प्रयोग गरेका सवारी साधनको ठक्करबाट ४ वर्षीय एक बालिकाको मृत्यु भएको थियो ।

Watch On

Facebook Tiktok Youtube Instagram Twitter

शुक्रवार रास्वपा पार्टीका महामन्त्री कवीन्द्र बुर्लाकोटीद्वारा जारी गरिएको विज्ञप्तिमा भनिएको छ, ‘रौतहटमा चुनावी अभियानका क्रममा प्रयोग गरिएको सवारी साधनको ठक्करबाट ४ वर्षीय बालिकाको असामयिक निधन भएको खबरले राष्ट्रिय स्वतन्त्र पार्टी (रास्वपा) अत्यन्तै स्तब्ध र मर्माहत भएको छ । यस कठिन र शोकको घडीमा मृतक बालिकाप्रति भावपूर्ण श्रद्धाञ्जली अर्पण गर्दै शोक सन्तप्त परिवारजनमा समवेदना प्रकट गर्दछौँ ।’

Marvel
Extreme Energy

बिहीबार भएको दुर्घटनाको विषयलाई रास्वपाले अत्यन्त गम्भीरताका साथ लिएको जनाउँदै, घटनाको वस्तुनिष्ठ छानबिनका लागि स्थानीय प्रशासनलाई पूर्ण सहयोग गर्न सिङ्गो रास्वपा प्रतिबद्ध रहेको विज्ञप्तिमा जनाइएको छ ।

जारी विज्ञप्तिमा भनिएको छ, ‘कानुनी प्रक्रिया र पीडित परिवारलाई न्याय दिलाउने सन्दर्भमा पार्टीले कुनै कसर बाँकी राख्ने छैन । साथै, पीडित परिवारलाई हुन सक्ने राहत र सहयोगका लागि पार्टीका तर्फबाट आवश्यक पहल भइरहेको जानकारी गराउँदछौ ।’

त्यस्तै, रास्वपाले चुनावी अभियानका क्रममा प्रयोग हुने सवारी साधनहरूको परिचालनमा उच्च सतर्कता अपनाउन र सुरक्षा संवेदनशीलतालाई प्राथमिकता दिन समेत पार्टीपंक्ति, उम्मेदवार र सवारी चालकहरूलाई कडा निर्देशन समेत दिएको छ ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज