ज्ञानेन्द्र शाहीले प्रत्यक्षको मत आफू र समानुपातिकको मत रास्वपाका लागि मागिरहेका छन्ः बिनिता कठायत

काठमाडौँ । राष्ट्रिय स्वतन्त्र पार्टी ९रास्वपा० की निवर्तमान् सांसद एवम् जुम्लाकी प्रतिनिधिसभा सदस्य उम्मेदवार बिनिता कठायतले आफ्नो प्रतिस्पर्धीले निर्वाचन क्षेत्रमा गलत प्रचार गरिरहेको आरोप लगाएकी छिन् । 

Watch On

मङ्गलबार उनले पत्रकार सम्मेलन गरेर राप्रपाका निवर्तमान सांसद एवम् हालका प्रतिस्पर्धी उम्मेदवार ज्ञानेन्द्र शाहीले प्रत्यक्षको मत आफू र समानुपातिकको मत रास्वपाका लागि मागिरहेको उनले आरोप लगाइन । 

राप्रपा र रास्वपा पार्टी एकता भएको भन्ने निराधार हल्ला गरेर शाहीले प्रत्यक्षतर्फको मत हलोमा हाल्न र समानुपातिक मत रास्वपामा हाल्न गाउँगाउँमा भनेको उनको आरोप छ । 

ज्ञानेन्द्र शाही रास्वपा प्रवेश गरेर टिकट लिन हरदम प्रयास गरे पनि पार्टीले स्वीकार नगरेको समेत उनको आरोप छ । ‘शाहीले मनोनयन दर्ता गर्ने अन्तिम दिनसम्म पनि सुर्खेतबाट चुनाव लड्न पार्टीमा पहल गरिरहेका थिए,’ कठायतले भनिन्,‘ पार्टीले पत्याएन । तर, अहिले यहाँ मेरा विरुद्ध गलत प्रचार गरेर हिँड्नु भएको छ ।’

प्रत्यक्षमा हलोलाई र समानुपातिकमा घण्टीमा भोट हाल्न दुई पार्टीबीच एकता भएको भन्ने गलत भाष्य सृजना गर्दै शाहीले प्रचार गरिएको उनको आरोप छ । 
उनले पत्रकार सम्मेलन नै गरेर सो कुरा जानकारी दिएकी हुन् । यसबारे बुझ्न उम्मेदवार शाहीलाई सम्पर्क गर्दा उनले भने बिनिताले गलत कुरा गरेकाे आराेप लगाए । "जुम्लामा प्रत्यक्षतर्फकाे भाेट हलाे र समानुपातिक घण्टीमा हाल्ने ह्वीम चलेकाे छ," शाहीले सिधाकुरासँग फाेनमा भने, "मलाई प्रत्यक्षमा  र घण्टीलाई समानुपातिकमा भाेट दिन्छु भन्नेलाई मैले के भन्न त मिलेनन नि ।"