मुख्य समाचार

यो देशमा हामी भन्दा नयाँ कोही छैनः प्रचण्ड

सिधाकुरा

शुक्रबार, माघ २३, २०८२

यो देशमा हामी भन्दा नयाँ कोही छैनः प्रचण्ड

काठमाडौँ । के हो नयाँ ? के हो पुरानो ? नयाँ र पुरानोको निधो विचारले गर्ने नेपाली कम्युनिष्ट पार्टीका संयोजक पुष्प कमल दाहालले बताएका छन् ।

Watch On

शुक्रबार काठमाडौंमा आयोजित नेकपा परामर्श कार्यक्रमलाई सम्बोधन गर्दै प्रचण्डले विचारका आधारमा नयाँ भइने बताएका हुन । अहिलेको अवस्थामा नेपाली कम्युनिष्ट पार्टीनै सबै भन्दा नयाँ भएको उनले बताए ।

उनले भने, ‘जसले यो देशमा गणतन्त्र ल्यायो, त्यो भन्दा नयाँ केहि अरु भए भनौं । होइन भने यो देशमा हामी भन्दा नयाँ कोही छैन । त्यसैले नयाँका नाममा भ्रम छर्ने काम आफुलाई नयाँ भन्ने तर विचार र मुद्दा नभएकाले नगरुन ।’

महिला, दलित, आदवासी जनजाति लगाएत सबै उत्पीडित क्षेत्र समुदायलाई पहिचान र अधिकार दिने नारा आफ्नो पार्टीले ल्याएकाले आफुहरु नयाँ भएको उनको भनाइ छ । त्यस्तै प्रचण्डले उदार पुँजीवाद र दलाल पुँजीवादको प्रोत्साहन गरेर नयाँको धाक लाउने काम भएको आरोप लगाए ।

उनले निर्वाचन नजिकिदै जाँदा सक्रिय भएर प्रचार गर्न सके नेपाली कम्युनिस्ट पार्टी नेपालमा एकचोटि फेरि पहिलो पार्टी बन्ने पुरै सम्भावना रहेको दावी गरे । प्रचण्डले निकै ठूलो भिडन्त भनेर सामाजिक सञ्जालमा चर्चा भएका खास खास चुनाव क्षेत्रमा नेकपाले चूनाव जित्ने निश्चित भएको बताए ।

प्रकाशित मिति: शुक्रबार, माघ २३, २०८२

प्रतिक्रिया दिनुहोस्