समाज

भारवहन भन्दा बढि ढुवानी गर्ने सवारीसाधनलाई कारवाहीको दायरामा ल्याउन माग

सिधाकुरा

सोमबार, माघ २६, २०८२

भारवहन भन्दा बढि ढुवानी गर्ने सवारीसाधनलाई कारवाहीको दायरामा ल्याउन माग

काठमाडौँ । नेपाल यातायात व्यवसायी राष्ट्रिय महासंघले क्षमता भन्दा बढि ढुवानी सञ्चालन गर्ने सवारीसाधनलाई कारवाहीको दायरामा ल्याउन माग गरेको छ ।

सोमबार यातायात व्यवस्था बिभागमा ज्ञापन पत्र बुझाउदै महासंघले केहि ढुवानी सञ्चालन गर्ने सवारीसाधनले भारवहन क्षमता अत्याधिक कायम गरि सञ्चालन गर्दै आएको भन्दै कारवाहीको दायरामा ल्याउन माग गरेको हो । मालबहाक सवारी साधन सिनो कम्पनीको ट्रकलाई भारवहन नियमन सम्बन्धी निर्देशिका बिपरित बढि क्षमता कायम गर्ने काम सरकारी निकायबाटै भएकाले गम्भीर ध्यानाकर्षण भएको महासंघले जनाएको छ ।

Watch On

राज्यको निर्देशिका बमोजिम सञ्चालन भइरहेका सवारी साधनलाई विस्थापीत हुने गरि सिनो कम्पनीको ट्रकलाई कायम गरिएको बढि भारवहन क्षमताको स्वीकृति तत्काल खारेज गर्न माग गर्दै बिभागमा ध्यानाकर्षण गराइएको महासंघका सदस्य गोकर्ण पराजुलीले जानकारी दिए ।

उनले सवै प्रकारका मालबहाक सवारी साधनको भारवहन क्षमतामा एकरुपता कायम गर्नुपर्ने बताए । त्यस्तै महासंघले देशभर तौलपुललाई डिजिटल बनाउनुपर्ने र क्षमताभन्दा बढि भारवहन गर्ने सवारीसाधानलाई कारवाही गर्नुपर्ने माग गरेको उल्लेख गरेका थिए ।

प्रकाशित मिति: सोमबार, माघ २६, २०८२

प्रतिक्रिया दिनुहोस्