समाज

जुन मान्छेले जिन्दगीभरि बच्चा बच्चीलाई माया गरेको छ, उसलाई बच्चा बच्ची मारेको आरोप ?: केपी ओली

सिधाकुरा

सोमबार, माघ २६, २०८२

जुन मान्छेले जिन्दगीभरि बच्चा बच्चीलाई माया गरेको छ, उसलाई बच्चा बच्ची मारेको आरोप ?: केपी ओली

काठमाडौँ । जुन मान्छेले जिन्दगीभरि बच्चा बच्चीलाई माया गरेको छ, उसैलाई आज बच्चा बच्ची मारेको आरोप लगाउने गलत कार्य भइरहेको नेकपा एमालेका अध्यक्ष केपी शर्मा ओलीले बताएका छन् ।

सोमबार झापाको गौरीगञ्जमा स्थानीय मतदातासँगको छलफलका क्रममा अध्यक्ष ओलीले भाद्र २३ र २४ गते जेनजीहरुको आन्दोलनमा अपराधीक तत्त्वहरू घुसेर विध्वंस मच्चाएको र तिनै अपराधीक तत्त्वहरूले उल्टै आफूमाथि गोली चलाएर मान्छे मारेको आरोप लगाउने गरेको बताएका हुन ।

Watch On

उनले भने, ‘म सधैँ बच्चा बच्चीलाई माया गर्ने मान्छे हो । युवाहरूको विकास र उनीहरूको उत्थानका नमित जिन्दगीभर लागेको छु । आज मलाई नै बच्चा बच्ची मारेको आरोप लगाउने कार्य भइरहेका छ । के प्रधानमन्त्रीको हातमा बन्दुक हुन्छ ।’

तत्कालीन प्रधानमन्त्रीको हैसियतमा आफूले कसैलाई पनि गोली चलाउन आदेश नदिएको दोहराउँदै अध्यक्ष ओलीले संसद् भवन, सिंहदरबार जलाउने कोसिस गरेर प्रहरीलाई गोली चलाउने वातावरण अपराधीक तत्त्वहरूले नै बनाएको धारणा व्यक्त गरे ।

प्रतिनिधिसभा सदस्य निर्वाचनका लागि झापा क्षेत्र नं. ५ का उम्मेदवार समेत रहेका ओली पछिल्लो समय झापामा स्थानीयसँगको छलफलमा केन्द्रित भइरहेका छन् ।

प्रकाशित मिति: सोमबार, माघ २६, २०८२

प्रतिक्रिया दिनुहोस्