समाज

मैले राजीनामा दिइसकेपछि ५४ जनाको मृत्यु भएको हो: केपी ओली

सिधाकुरा

सोमबार, माघ २६, २०८२

मैले राजीनामा दिइसकेपछि ५४ जनाको मृत्यु भएको हो: केपी ओली

काठमाडौँ । नेकपा एमाले पार्टीका अध्यक्ष केपी शर्मा ओलीले जेनजी आन्दोलनमा आफूले प्रधानमन्त्री छोडेपछि ५४ जना मरेको बताएका छन् ।

सोमबार झापाको गौरीगञ्जमा स्थानीय मतदातासँगको छलफलका क्रममा अध्यक्ष ओलीले भाद्र २३ र २४ गते जेनजीहरुको आन्दोलनमा अपराधीक तत्वहरु घुसेर बिध्वंस मच्चाएको र तिनै अपराधीक तत्त्वहरूले उल्टै आफूमाथि गोली चलाएर मान्छे मारेको आरोप लगाउने गरेको बताएका हुन ।

Watch On

उनले भने, ‘मैले प्रधानमन्त्री छोडेपछि ५४ जना त्यसपछि मरेका छन् । देशमा आगजनी बनाउने वातावरण गराउनका लागि लगायत तोडफोड गर्ने सिंहदरबार जलाउने संसद् भवन जलाउने कोसिस गरेर प्रहरी माथि प्रहार गरेर हुल्धुङगा गरेर विद्यार्थीलाई छेकेर अगाडी लगाएर गोली चलाउने वातावरण बनाएर यसरी परिस्थिति बिगार्ने काम तीनै अपराधीहरूले गरेका हुन ।’

त्यस्तै, ओलीले मुलुकको विकासका लागि एमालेले सबै भन्दा धेरै काम गरेको दाबी गरेका थिए । गोवर र गुँईठा बाल्नुपर्ने अवस्थाबाट विकास गरेर बिजुली बाल्ने अवस्थामा पुग्नुपर्छ भन्दा कहिले तोडमोड गरेको भन्दै उनले आपत्ति जनाए । उनले नेपालमा ग्यास उत्खनन भइसकेको भन्दै अव त्यसलाई सदुपयोग गरेर घर–घरमा पाइपबाट बितरण गर्नुपर्ने बताए ।

प्रकाशित मिति: सोमबार, माघ २६, २०८२

प्रतिक्रिया दिनुहोस्