समाज

कानुन निर्माणको कार्यलाई सरकारले प्राथमिकताका साथ सम्पादन गरिरहेको छ: मन्त्री सिन्हा

सिधाकुरा

सोमबार, माघ २६, २०८२

कानुन निर्माणको कार्यलाई सरकारले प्राथमिकताका साथ सम्पादन गरिरहेको छ: मन्त्री सिन्हा

काठमाडौँ । कानून, न्याय तथा संसदीय मामिलामन्त्री अनिलकुमार सिन्हाले संविधान कार्यान्वयनका लागि बनाउनुपर्ने कानुन निर्माणको कार्यलाई सरकारले प्राथमिकताका साथ सम्पादन गरिरहेको बताएका छन् ।

सोमबार बसेको राष्ट्रिय सभा बैठकमा सदस्यहरुको मौखिक प्रश्नको जवाफ दिदै मन्त्री सिन्हाले संविधान कार्यान्वयनका लागि बनाउनुपर्ने कानुनहरूको पहिचान, प्राथमिकीकरण तथा कानुन निर्माणको कार्यलाई सरकारले उच्च प्राथमिकताका साथ सम्पादन गरिरहेको बताएका हुन ।

Watch On

उनले संविधान जारी भएपछि हालसम्म १ सय ४६ वटा छुट्टा–छुट्टै ऐनहरु जारी भएको जानकारी दिए । मौजुदा ऐनहरुलाई संविधान अनुकूल बनाउन तथा संघीय शासन प्रणाली बमोजिम सुधार गर्न बिभिन्न समयमा केहि नेपाल ऐनलाई संशोधन गर्ने ऐनहरु जारी भएको उनले बताए ।

यसैगरी, उनले मन्त्रालयले मेलमिलाप ऐनलाई संशोधन गर्न बनेको विधेयक र मुलुकी संहिताहरूलाई संशोधन गर्न बनेका विधेयकहरु संघीय संसदमा प्रस्तुत गर्न स्वीकृतिका लागि मन्त्रिपरिषद्मा पेश गर्ने तयारी भइरहेको धारणा व्यक्त गरेका छन् । नेपालको संविधान बमोजिम बनाउनुपर्ने कानुन निर्माण तथा परिमार्जनका लागि संघीय संसदमा बाँकी विधेयक पेश गरिने उनको भनाइ छ ।

प्रकाशित मिति: सोमबार, माघ २६, २०८२

प्रतिक्रिया दिनुहोस्